சீக்கிரம் வருவாயா?

எங்கேடா போய் தொலைந்தாய்

இவ்வளவு நாளாய்....

உன்னைத் தொலைத்து தேடி

தவித்தது போதும்

சீக்கிரம் வா...

உன்னிடம் சொல்ல இரண்டாயிரமிருக்கு

உனக்கு பிடிக்குமென்று

மருதாணி கையில் இட்டது

உன்னுடைய நினைவில்

காரை சுவற்றில் இடித்தது

உனக்குப் பிடித்தப் பாடல்

தினமும் சுப்ரபாதமானது

இப்போதெல்லாம் அம்மாவிடம்

சண்டை போடாதது

மழையில் நனைய

ஏங்கிக் கொண்டே

குடையும் பிடிப்பது

கையைச் சுடாமலே

சமையல் செய்வது

இன்னும் ஓராயிரம் காரணமிருக்கு

உன்னிடம் சொல்ல :-)

இதற்காகவேனும் சீக்கிரம் வருவாயா?