உனக்காய் ஓர் இதயம்

சந்திப்பின் சந்தர்ப்பம் தேடி
முதல் சம்மதம் தந்தேன்

சம்மதத்தின் முதல் சந்திப்பிலேயே
நீ பிரிவைத் தந்தாய்

பிரிவின் நொடியில்
காதல் மலருமென்று
இதற்கு முன் நம்பவில்லை
பிரிந்த பின்பு புரிந்தும்
ஏனோ காதல் மணக்கவில்லை

சிணுங்கும் அலைபேசியில்
உன் குரல் கேட்க
மனம் தவித்தப் போதும்
தன்மானம் வந்து தடைப்போட்டு
இதயம் கணக்க செய்யும்

தூரங்கள் நமது எதிரியானபோதும்
தூவானமாய் உன் நினைவு
என்னில் சிலிர்த்துச் செல்லும்

உலகில் எங்கு நீ வாழ்ந்த போதும்
உனக்காய் ஓர் இதயம்
துடிப்பதை நீயுணர்ந்தால் போதும்!!!