Monday, February 06, 2017

பிம்பம்

முன்னொரு நாளின் பிரதியைத்
தேடி தொலைந்துப் போனவர்களின்
நொடிகளை கடத்தும்
பொழுதினில்  சத்தமில்லாமல்
வந்து போகிறது
உனது சாயல்களின் பிம்பங்கள்...

06.02.2017

Monday, January 30, 2017

மறக்கப்பட்டிருக்கலாம்...

உன் கண்ணீர் 
என் கை உதிராமல் சேமிக்கப்பட்டிருந்தால்,
நெஞ்சைக் கொல்லும் துரோகத்திலிருந்து
மன்னிக்கப்பட்டிருக்கலாம்...
ஒரு வேளை மறக்கப்பட்டிருக்கலாம்...

09.01.2017

நிகழப்போவதில்லை

இனி ஒரு போதும் நிகழப்போவதில்லை 
வார்த்தைகள் கொண்ட உரையாடல்...
நீ அருந்தும் தேநீரில் ஒட்டிக்
கொள்ளும் உதட்டோடு முடிந்துவிடும் 
இனி ஒரு புன்னகையோ 
இல்லை உதட்டுச்சுளிப்போ!!!


08.01.2017