உனது விழியில் எனது பயணம்

வாழ்த்துகள் தீபா @ கபீஷ்

2011-09-28T15:50:00.003+08:00

Congrats KABHEESH for your little angel ......

This little gift is your blessing..I wish happiness in every way....God Bless, and many blessing and wishes to welcome baby into your life today...

ப்ரியங்களுடன்....

Happy Birthday & Happy New Year 2011

2011-01-01T00:05:00.001+08:00

அனைவருக்கும் என் மனம் கனிந்த புத்தாண்டு 2011 நல்வாழ்த்துகள்

மெதுவா மெதுவா - பிரிவோம் சந்திப்போம்

2010-12-06T10:48:00.006+08:00

கடன் தருவதற்கே உனை நான் தொடர்ந்தேன்
முதல் தவணையிலே முழுதாய் இழந்தேன்

நம்மைபோல் வேறு ஒரு நாம் இல்லை இனி...

ம்ம்ம்

2010-11-25T11:48:00.007+08:00

மௌனங்கூட

விரதம் கலைக்கிறது
நீ வந்து பேசும் தருணத்தில்...

************

நீ ‘தா’வெணும் போதெல்லாம்
யோசிக்காமலே தந்துவிடுகிறேன்
ஆனால் நீயோ வெட்கங்களை
மட்டுமே பதிலாய் தந்துச் செல்கிறாய்...
நீ அடப்பாவியா இல்லை
நான் அப்பாவியா?!
ஐவிரல்களில் சிறு நடுக்கம்
இதயத்திலோ புது மயக்கம்
உன்னை உரையாடியில்
காணும் பொழுதுகளில்...

யாரிடமும் எனக்கு கெஞ்சப் பிடிக்காது

நீ உள்பட என்று கோபமாய்

முகம் திருப்பிய பொழுதினில்
அடியே லூசு..உனைக் கொஞ்சத்தானே
சொன்னேன் என்று பதிலுக்கு
நீயும் முறைத்துக் கொள்கிறாய்...

**************************

நான் கவிதையெழுதியிருக்கிறேன்
உனக்கு மொழிபெயர்த்து காட்டவா
என்றேன் ஆவலாய்...ஏதும் பேசாது தவிக்க விட்டுச்
சென்றாய் அந்நாள் முழுவதுமாய்
மறுநாள் அதிகாலையெழுப்பி
ஏதோ உளறினாய்...
ஏதும் புரியாது முழிக்கும் போதே
இது ‘தமிழ்’ உன் அத்தையிடம்
கெஞ்சிக் கற்றேன் என்கிறாய் அப்பாவியாய்..
ச்சே.. போடா மொழிகள் தேவையில்லை
நம் காதலுக்கு...

தமிழில் எதுவுமே பேசத்தெரியாது

என்று பொய் சொல்லாதே
என்கிறேன் கிண்டலாய்..
ஆமாம் உன்னை ‘டீ’ போடத் தெரியும்
என்கிறாய் வெட்கத்தோடு
ம்ம்ம் ஆண்கள் வெட்கப்படும்
தருணம் இதுதானா? ;-)

*********************

நீ வந்துச் சென்றதின் அடையாளமாய்
உன் நினைவுகள்

என் உரையாடல் பெட்டகத்தில்
நொடிக்கொருதரம் என் கண்கள்
தீண்டிச் செல்கிறது..
அடுத்த நினைவுகளை
சேகரிக்கும் வரை...

திருமண பாடல்கள் (150வது சிறப்பு பதிவு)

2010-11-19T12:12:00.016+08:00

முன்குறிப்பு :

Right-click on the link and choose "Save Link As" in order to download the song.

1. கல்யாண சேலை உனதாகும் நாளை - அம்பிகை நேரில் வந்தால்

2. ஆனந்தம் ஆனந்தம் ஆனந்தமே

3. உன்னையும் என்னையும் கட்டி இழுக்குதடி - ஆளப்பிறந்தவன்

4. கஸ்தூரி மானே கல்யாணத் தேனே கச்சேரி பாடு - புதுமைப்பெண்

5. சீர் கொண்டு வா வெண்மேகமே - நான் பாடும் பாடல்

6. வானும் மண்ணும் ஒன்றாய் கூடும் காதல் வைபோகம் - வரம்

7. மரகத வள்ளிக்கு மணக்கோலம் - அன்புள்ள அப்பா

8.குத்துவிளக்காக மணமகளாக நீ வந்த நேரம் - நல்லவன்

9.மாசி மாசம்தான் கெட்டி மேளதாளம் - ஊர் காவலன்

10. சுயம்வரம் - எஜமான்

11. வானம் இடி இடிக்க - உன்னை நினைச்சு பாட்டுப் படிச்சேன்

12. குங்குமம் மஞ்சளுக்கு இன்றுதான் நல்ல நாள் - எங்க முதலாளி

13. திருமண மலர்கள் தருவாயா – பூவெல்லாம் உன் வாசம்

14.பொட்டு வைத்துப் பூ முடிக்கும் நிலா – நினைத்தேன் வந்தாய்

15. தாழம்பூ தலை முடித்து - தேவராகம்

16. புக்காம் பொறந்த - நளதமயந்தி

17. இதுதானா இதுதானா மலர் சூடும் - சாமி

18. யாரோ யாரோடி - அலைபாயுதே

19. இரு கண்கள் போதாது - தர்மா

20. பூமுடிப்பாள் இந்த பூங்குழலி - நெஞ்சிருக்கும் வரை

21. வெண்ணிலவே வெண்ணிலவே வெட்கம் - காலமெல்லாம் காதல் வாழ்க

22. சம்சாரம் என்பது வீணை - மயங்குகிறாள் ஒரு மாது

23. நினைச்சப்படி நினைச்சப்படி

24. கௌரிக்கு திருமணம் - புது வசந்தம்

25. மணமாலையும் மஞ்சளும் - வாத்தியார் வீட்டுப் பிள்ளை

26. கடவுள் அமைத்து வைத்த - அவள் ஒரு தொடர்கதை

27. நூறு வருஷம் - பணக்காரன்

28. கல்யாண மாலை - புதுப்புது அர்த்தங்கள்

29. மனைவி அமைவதெல்லாம் - மன்மத லீலை

30. ஆனந்தம் ஆனந்தம் பாடும் - பூவே உனக்காக

31. மருமகளே மருமகளே - எங்க முதலாளி

32. மேரேஜ் என்றால் - வசீகரா

33. ஏழேழு ஜென்ம பந்தம் மனைவி என்பது

34. மங்களத்து குங்கும பொட்டு - சாமி போட்ட முடிச்சு

35. வந்ததே ஓஓஓ குங்குமம்

36. அதிசய திருமணம் - பார்த்தாலே பரவசம்

37. மாலை சூடும் வேளை

38. தூது செல்வதாரடி - சிங்கார வேலன்

39. வைகாசி வெள்ளிக்கிழமை - ராசாமகன்

40. பொன்னெடுத்து வாரேன் வாரேன் - சாமி போட்ட முடிச்சு

41. பூமழைத் தூவி - நினைத்ததை முடிப்பவன்

42. தஞ்சாவூரு மேளம் - (டி.ராஜேந்தர்)

43. பூ முடிக்கணும் - நாளை உனது நாள்

44. இரு மனம் கொண்ட - அவர்கள்

45.பாசமலரே அன்பில் விளைந்த

........

2010-11-15T16:16:00.002+08:00

வீட்டுக்குச் செல்ல வேண்டுமெனும்
காரணங்களின் நீளத்தை
அசாத்தியமாக்கிச் செல்கிறது
இந்த அடைமழை..
ஒரு வேளை
இன்றேனும் நீயும் நானும்
கவிதையெழுதி கப்பல் விடலாம்
நம்மிருவரும் தேடிச் சேர்த்த
நம் கனவு குழந்தையின் பெயர்களை...

பாசம் ஒன்றும் பாவமில்லை

2010-10-18T11:50:00.007+08:00

நிபந்தனைகளிலும் வற்புறுதல்களிலும்

வாழ்வதாய் எண்ணி காதலுக்கு
மலர் வளையம் செலுத்துகிறாய்
நான் பிறந்த நாளில்...

உன் உதாசிணங்களில்
முட்டி மோதி கலைவது
என் காதல் அல்ல
உன் செல்ல பிடிவாதங்கள் :-(

என்னை அழகாய் காட்டும்
உன் வீட்டுக் கண்ணாடி
ஏன் உன்னை அறிவாய் காட்டுவதில்லை?
அது காட்டும் நாளில்தான்
உன் உயிரையும் அறிவாய்
உன் உயிரும் என் காதலென்று

அணு அணுவாய் சாவதற்கு
முடிவெடுத்தப் பிறகு
காதல் பிழையான சரிதான்...

உலக புத்தக மற்றும் பதிப்புரிமை தினம்!!!

2010-04-20T16:02:00.006+08:00

வரலாறு

[ஆண்கள் மட்டுமே பெண்களுக்கு ரோஜாப்பூக்கள் வழங்கி வருவது இயல்பான ஒன்றெனிலும் பெண்களும் ஆண்களுக்கு மஞ்சள் நிற ரோஜா வழங்கும் நாள் வழக்கில் உண்டு என்பதை அறிவீர்களா??]

இவ்வினிய நாளில் நம் அன்புக்குரியவர்களுக்கு புத்தகங்களை அன்பளித்து மகிழ்வோம்........

ஒவ்வொரு வருடமும் ஏப்ரல் 23ஆம் நாள், உலக புத்தக மற்றும் பதிப்புரிமை தினமாக ஐக்கிய நாடுகள் கல்வி, அறிவியல் மற்றும் பண்பாட்டு நிறுவனத்தால் (யுனெஸ்கோ) 1995 ஆம் ஆண்டு முதற்கொண்டு அனுசரிக்கப்பட்டு வருகிறது.

இப்புத்தக மற்றும் பதிப்புரிமை தினம் முதன் முதலில் ஸ்பேய்ன் நாட்டில் கெத்தொலோனியாவில் கொண்டாடப்பட்டது. தொடக்க காலத்தில் இத்தினம் ரோஜாக்களின் விழாவாகவே கொண்டாடப்பட்டு வந்துள்ளது.

1923ஆம் ஆண்டு கெத்தொலோனியாவின் புத்தக விற்பனையாளர்கள் மறைந்த இலக்கியவாதிகள் மிகுவல் டி கெர்வண்டேஸ் மற்றும் வில்லியம் ஷேக்ஸ்பியர் நினைவுநாளாக 'el dia del llibre' கொண்டாடினர். அன்றுத் தொடங்கி இன்றுவரை உலக இலக்கியத்துக்கான குறியீடாக இப்புத்தக மற்றும் பதிப்புரிமை தினம் திகழ்ந்து வருகிறது.

மலேசிய பதிப்புரிமை சட்டம் ஓர் அறிமுகம்
அறிவார்ந்த சொத்துடமைகள் :
i) காப்புரிமை, பதிப்புரிமை
ii)துடிமச் சொத்துடைமை - வடிவமைப்புரிமை, துடிம வடிவமைப்பு, நிலவியல் குறியீடு, ஒருங்கிணைந்த வடிவமைப்பு படலை, இரகசிய தகவல்கள்

அறிவார்த்த சொத்துடமை சட்டங்கள் (மலேசியா மட்டும்):
- காப்புரிமை சட்டம் (1987)
- வணிக முத்திரைச் சட்டம் (1976)
- வடிவமைப்புரிமை சட்டம் (1983)
- துடிம வடிவமைப்புச் சட்டம் (1996)
- நிலவியல் குறியீட்டுச் சட்டம்
- Tort சட்டம் (Passing-Off, இரகசியத் தகவல் அத்துமீறல்)
- புதுவகை தாவர பாதுகாப்புச் சட்டம் (2003)

காப்புரிமை சட்டம்
காப்புரிமை என்பது இசை, ஒலிப்பதிவு, இலக்கியப்படைப்பு, திரைப்படம் போன்ற ஆக்கங்களுக்கு வழங்கப்படும் கட்டுப்படுத்தப்பட்ட தனியுரிமையாகும். இவ்வாக்கங்களில் உரிமையாளர்கள் குறிப்பிட்ட காலவரம்பு வரை தங்களின் படைப்புகளுக்கு உரிமை கோரும் சட்டமாகும். தங்களின் படைப்புகள் அல்லது ஆக்கம் அசல் என்று கருதும் யார் வேண்டுமானாலும் இச்சட்டத்தை பயன்படுத்த முடியும். அவர்கள் செய்ய வேண்டியதெல்லாம் தங்களுடைய படைப்புகளில் காப்புரிமை சின்னம் மற்றும் படைப்பின் ஆண்டை குறிப்பிட வேண்டும். இதன்வழி தங்களின் படைப்புகள் தவறாக கையாளப்படுவதை தவிர்க்கவும் சட்டப்படி உரிமையாளராகவும் ஆகலாம். இச்சட்டத்தின் கீழ் தங்களின் படைப்புகளை பதிய எந்த அரச அலுவலகமும் செயல்படவில்லை..செயல்பட அவசியமில்லை என்பதை கருத்தில் கொள்ளவும். இலக்கியப்படைப்பாளிகள் தங்களுடைய படைப்புகளை பாதுகாக்க காப்புரிமை சின்னம் & வருடம் இணைத்த பிரதியை தங்களின் முகவரிட்டு அஞ்சல் செய்யவும். அஞ்சல் செய்யப்பட்ட பிரதி தங்கள் முகவரியில் கிடைக்கப்பெற்றவுடன் பிரிக்காமல் பாதுக்காக்கவும். சட்டநடவடிக்கையெடுக்க இந்த அஞ்சலிட்ட நாள் அவசியமாகும். மலேசிய காப்புரிமை சட்டவிதிகளின்படி காப்புரிமை பெற்ற படைப்புகளின் உரிமையாளர்கள் இறந்தப்பின் அவரின் வாரிசுகள் 50 வருடங்கள் அப்படைப்புகளின் உரிமை கோரலாம். உதாரணத்திற்கு மலேசிய கலைஞர் பி.ரம்லி 1973இல் இறந்துவிட்டாலும் அவரின் திரைப்படம், பாடல், இசை, புகைப்படம், மற்றும் புத்தகம் ஆகியவற்றின் உரிமைகளை அவருடைய வாரிசுகள் 2023 வரை காப்புரிமை சட்டத்தின் கீழ் கோரமுடியும்.

Digital Right Management (இலக்கியல் உரிமை முகாமைத்துவம்)

இதுப்பற்றி மேலும் தெரிந்துக்கொள்ள விரும்புவர்கள் இங்கே க்ளீக் செய்யவும். இலக்கியல் உரிமை முகாமைத்துவம்

வருகை..தொலைவு..மீட்பு

2010-04-11T14:53:00.003+08:00

என்றோ தொலைத்த உன் நினைவுகள்
இன்று என்னில் கரைச்சேர்கின்றன
மீட்டேடுதலில் தொலைந்தது
வருடம் மட்டுமல்ல இவளும்தான் !!!

மீராவின் கண்ணன் மீராவிடமே!!!

2010-04-02T15:04:00.008+08:00

உனக்கான என்

மௌனங்களில்

இப்பக்கம் முழுதும் வெறுமை

திருமணநாள் வாழ்த்துகள்!!!

2010-03-16T11:06:00.005+08:00

அவள் பெயர் _____

அன்பு... அடாவடி... ஆர்பாட்டம்...அனைத்துக்கும் மொத்த குத்தகையாளர்.

கொஞ்சம் திமீர்...நிறைய குறும்பு...!

பல நேரம் தோழியாய் சில நேரம் எதிரியாய்...!

நட்பு என்றவுடன் நினைவுக்கு வந்து தொலையும் முதல் மழைத்துளி...!

கூடிய விரைவில் ஒரு குட்டித்தேவதைக்கு அம்மா...!!!!!(Counting daz)

இன்று அவளுக்குத் திருமணநாள்...!!

இன்று மட்டுமல்ல இனிவரும் ஒவ்வொரு நாளும் அழகாய்...நலமாய் புலர வாழ்த்துகள் சகி :-)

Happy Anniversary Machan... !!!

தீராமலே...

2010-03-15T16:20:00.004+08:00

நேற்றைய பிரியங்களின் மிச்சம்
உன் உதடுகளில் கசிந்து வழிகிறது
இன்று மட்டிலுமான நம் பிரிவு
பேசித் தீராமலே தொலைகிறது!!!

தப்பு பண்ணிட்டேனா?

2010-02-24T10:06:00.005+08:00

"உனக்கு என்ன book of recordஇல் இடம்பெறப் போறதா நினைப்பா?"

"போச்சு போ அவங்கம்மா உன்னையும் உன்னோட காரையும் பார்த்திருக்கும்.... போ உனக்கு நல்லா சாபம் கொடுக்க போகுது!!"

"அவன் நான் கலக்கி வச்ச பாலைக் குட்டிக்கவே இல்லையே"

"பிறந்து சில மணிநேரமே ஆன அதுக்கு எப்படி சொந்தமா பால் குடிக்கத்தெரியும்??"

"அய்யோ நான் பெரிய தப்பு பண்ணிட்டேனா?"

"தாய்மை இது புரிந்துக் கொள்ளவே முடியாத உணர்வா?"

நேற்று மாலை எங்க வீட்டு புழக்கடையில் ஓயாத பூனைக்குட்டியின் சத்தம். எங்கிருந்தோ தவறி கால்வாயில் விழுந்துக் கிடந்தது வெள்ளை நிறத்திலொரு பூனைக்குட்டி. பிறந்து சில மணி நேரங்களே ஆகியிருக்கும். சுற்றிலும் தேடியும் அதன் தாயைக் கண்டுப்பிடிக்கவே முடியவில்லை. சரி கால்வாயிலிருந்து மட்டும் எடுத்து வெளியில் விடுவோம் என்ற எண்ணத்தில்தான் எடுத்து வெளியே விட்டு கதவடைத்தேன். இருந்தும் ஓயவில்லை அதன் சத்தம் ஒரு பக்கம்...இடியுடன் கூடிய மழை சாதாரண நாளென்றால் இவ்வளவு சிரத்தையெடுத்திருக்க மாட்டேனோ என்னவோ? ஆனால் மழையில் அது இறந்துவிடுமோ என்ற பச்சாதாபத்தில்தான் எடுத்துக் கொண்டுப் போய் வீட்டின் முன்புறம் விட்டேன். அருகிலுள்ள மலாய்க்காரக் குடும்பங்களில் யாராவது எடுத்துச் செல்ல மாட்டார்களா என்ற எண்ணத்தில்..!!

ம்ஹூம் .. இதுக்கு மேலும் தாங்காதென்று சின்னதொரு பெட்டியில் வைத்து அண்ணன் மகளிடம் கொண்டுப் போன போது பயங்கரத் துப்பு.. உனக்கு மட்டும் ஏன் இந்த வேண்டாத வேலையென்று.. சரி போனால் போகட்டும் அவனுக்கு பசிக்குமென்று கொஞ்சம் பால் கலக்கி கொண்டு வந்து கொடுத்தும் குடிக்கவேயில்லை. எவ்வளவு முயற்சித்தும் அந்த குட்டிப் பிசாசு அந்தப் பாலை சீண்டவே இல்லை. எனக்கென்னத் தெரியும் அது பவுடர் பால் குடிக்காதென்று. நான் என்ன செய்யட்டும். அக்காவிடம் சொன்னதும் அதுக்கும் சேர்த்து அர்ச்சனை..தாய்ப்பாலுக்கு ஏங்கும் அந்தக் குட்டியிடம் உனக்கு ஏன் இந்த அடாவடின்னு? ச்சே பக்கத்தில் வாயில்லா ஜீவன் கஷ்ட்டப்படும் போது எப்படி பார்த்துட்டு சும்மாயிருப்பது.. நேற்றிரவெல்லாம் அந்தக் குட்டி பிசாசு என்ன செய்ததோ பால் குடித்திருக்குமா..உயிரோடுதான் இருக்கா தெரியவில்லை.. ஆனால் என்னோட தூக்கம் போச்சு.. எனக்கு பூனை பிடிக்கவே பிடிக்காது. ஆனா இது என்னவோ செய்துவிட்டது.. இதுவரைக்கும் பண்ணியிருக்கும் கொலைகள் போதாதுன்னு புதுசா இப்படி வேறு ஆரம்பிச்சிருக்கேன் போல... :-( யாராவது அந்த குட்டிப்பிசாசை கொண்டுப் போய் வளர்க்கணுமே... இப்போக்கூட லெக்சரர் க்ளாஸ் முன்னுக்கு என்னவோ சொல்லிட்டு இருக்காங்க ஆனா எனக்கு பூனைக்குட்டியைத் தவிர எதையும் யோசிக்க முடியல..... நான் செஞ்சது தப்பாவே இருக்கட்டும் ஆனா அந்தக் குட்டிப்பிசாசு பிழைக்கணும்.. :-( எதுக்கும் க்ளாஸ் முடிஞ்சதும் போய் பார்க்கணும். யாராவது இந்தப் புலம்பலை படிக்க நேர்ந்தால் அந்தக்குட்டி பூனைக்காக பிராத்தித்துக் கொள்ளுங்களேன் ப்ளீஸ். இந்தப் பூனை வதை குற்றத்திற்கு கருட புராணத்தில் என்ன தண்டனை??

மழையாய் வந்தவள்...

2010-02-17T13:13:00.011+08:00

அவள்... அவளைப் பற்றி அறிந்த அந்தக் கணத்திலிருந்தே அவள் மீது ஏனென்று விவரிக்க இயலாத ஓர் ஈர்ப்பு...!! அவள் முகம்... பெயர் எதுவும் தெரியாது... இருந்தும் அவள் மீதான அன்பு நாளுக்கு நாள் கூடிக் கொண்டே போகிறது. ஏழு வயது சிறுமியிடம் அப்படி என்ன ஈர்ப்பு? நிச்சயமாய் தெரியவில்லை... மண்ணில் விழும் மழைத்துளியெல்லாம் பரிச்சயமற்ற பாஷைத்தான் நிலத்திற்கு... இருந்தும் மண்மகள் ஏற்றுக் கொள்வதில்லையா? அதுப்போல் இவளும் என் மேல் விழ ஏங்கும் மழைத்துளியானவள்!!

இந்தக் குட்டி நிலவு கடந்துச் செல்லும் பாதை ரோஜாக்கள் தூவிய பாதையல்ல... முட்கள் நிறைந்த காட்டு வழிப்பாதை. அவளுக்கு ஏதாவது செய் என்று உள்மனம் தவிக்கிறது...! உலக சந்தோஷங்களையெல்லாம் அவள் காலடியில் சமர்பிக்கும் ஆவலில் அவளுக்கான என் பிராத்தனைகள் நீள்கின்றன.

அந்த பிஞ்சு மழைச்சாரலில் நனைய வேண்டி இவளின் இதயச் சுருங்கல் தொடர்கிறது!!

2010-01-18T16:46:00.005+08:00

பேசாமலே இருந்து விடேன்
தீயாய் தகிக்கும்
வார்த்தைகள் சாமரமாகும்போது
உதடுகள் கெஞ்சும் உடன்படிக்கை இது!!

ப்ரியமுடன்.......

2009-12-28T10:25:00.002+08:00

இன்று வரையிலும் வாழ்த்துகளின் அர்ச்சனையில் குளிர்விக்கும் அனைத்து பதிவுலக அன்பர்களுக்கு மனம் கனிந்த 2010 புத்தாண்டு நல்வாழ்த்துகள்!!!!

2009-11-18T14:37:00.005+08:00

நான் என்ன செய்ய
உன் நம்பிக்கையின் நிறம்
நீர்த்துப் போனதற்கு...???
முகத்திலறைந்து துரோகத்தை
பறைச்சாற்றுவதைவிட
என் எழுதுகோலின் முனை
உடைத்துவிடு அது சுலபம்!!!

கவிதையைப் போல்!!!!

2009-09-20T07:00:00.000+08:00

முற்றுப் பெறும்
எல்லா கணங்களையும்
அவனுக்காய் சேர்த்து வாழும் அவள்,
அவன் கவிதைகளில் கூடு கட்டி
மேகம் வரைந்திருந்தாள்....

மேகங்கள் கரையும்
ஒரு மழைக்காலத்தில்
அவளுக்காய் அவன்
விதைத்துச் சென்ற
கவிதைப் பூக்கள்
காய்ந்துப் போயிருந்தன...

மேகங்களை அவன் தேடிச்
சேர்க்கும் முன்பே
அவள் தொலைந்துப் போயிருந்தாள்
கரைந்துப் போன
அவனுடைய கவிதையைப் போல்!!!!

அக்னி பிரவேசம் & பிறந்தநாள் வாழ்த்துகள்

2009-09-19T00:00:00.013+08:00

உனக்கும் எனக்குமான

நெருக்கங்களால் இதயம்

ததும்புகின்ற வேளையில்...

முன்னொரு நாள்

மேகங்களில் உரசி

சிறகொடிந்தப் போது

கட்டுப் போட்ட வேடனின்

ஸ்பரிசம் அடைமழையாய்

சிலிர்த்தெழுகிறது...

மழையில் நனைந்துக் கொண்டே

தீக்குள் விரலை விடும்

இலையுதிராக் காலத்தில்

அவனைச் சேர்வதாய்ச் சொல்லிச்

சென்ற வார்த்தைகள்...

இன்று மழையில்

நனையாதுதீக்குளித்தாலும்

ஃபீனிக்ஸ் பறவையாய்

உயிர்த்தெழுந்துக் கொல்கிறது!!!

பின் குறிப்பு : ஸ்ரீ உனக்கு புரியுமில்லையா???

[இன்று பிறந்தநாள் காணும் அன்புத் தோழி சுபாவிற்கு மனம் நிறைந்த நல்வாழ்த்துகள்...]

இந்தப் பாசம்...
இந்த நேசம்...
இந்த நட்பு...
வாழ்வின் எல்லை வரை வேண்டும்!!!

ப்ரியமுடன்...புனிதா!!!

விடுபடுதலும்....விடைப்பெறுதலும்!!!

2009-06-25T17:35:00.002+08:00

எப்பொழுது முடியுமென சோம்பித் திரிந்த தருணங்களும்...
எப்பொழுது இது நீளுமென ஏங்கித் தவித்த நாட்களும்... எல்லாமுமாய் சேர்ந்து இதுவரையிலும் கிறுக்கிய படிமங்களை மீள்பார்வையிட... எதுவுமேயில்லை என்ற சுயத் தேடல் அவசிய விடுபடுதலுக்கு தயாராக்கிக் கொண்டது மனதை!!!

விடுபடுதலோ விடைப்பெறுதலோ ஏதாவது புது பரிமாணத்தின் சாத்திய கூறுகள்தான். விடுபடுவதைவிட விடைபெறுதலின் வலி அதிகமென்று யாரும் சொல்லாமலே அறிந்துக் கொண்ட தருணங்கள் பல... சொல்லி மீள்வதல்ல வாழ்க்கை!!!

இந்த மாதத்துக்கான பதிவுகளை அவசரமாய் பதிவிட்டாலும் நிரம்பவில்லை மனது....!! ஆக கோடிட்ட இடத்தை நிரப்புவதைப்போல நாள்காட்டியின் நாட்களை வட்டமிட்டபடி அடுத்த பிரிவுக்கு தயாராகிக் கொள்கிறேன். பிரிவுகள் வலியல்ல அதுவொரு தேடல்...!!!

தேர்வு...விடுமுறை...பயணம்.... இன்னும் பிற சுயத் தேவைக்காக இந்த விடைபெறுதல் அவசியமென தோன்றுகிறது. நற்செய்தியோடு அனைவரையும் மீண்டும் சந்திக்கும் வரை...

பிரியமுடன் ....புனிதா!!!

ஏதோ ஒன்று!!

2009-06-24T09:38:00.008+08:00

தொடுவாள் சிவந்த

அதிகாலை நேரம்

ஓடிக் களைத்த கருமேகமொன்று

இடைவழித் திரும்பி

மழை முகிழ்த்துச் செல்கிறது

முளைத் துளிர்க்கத் துடிக்கும்

அல்லிப் பதியனுக்காய்!!!

காதல்...சில குறிப்புகள் III

2009-06-23T16:18:00.008+08:00

நீயெழுதிய நினைவுகளின் நிழல்...

நான் தொலைத்த கனவுகளின் நிஜம்...
நம் பிரிவின் நீளத்தை
வானில் வடித்து செல்வதேன்...!!!
நொடிக்கொருமுறை உருவம் மாறும்
மேகங்கள் மழையாய் கரைந்து

நம் நினைவுகளை
ஈரமாக்கி செல்லத்தானோ??

மீண்டும் அப்பா!

2009-06-22T16:01:00.003+08:00

உங்கள் குரல் எட்டாத தூரத்தில்
உங்கள் முகம் காணாத தேசத்தில்
தூரங்கள் பிரித்தாலும்
நேரங்கள் கடந்தாலும்
வார்த்தைகள் தாண்டி வாக்கியமாய்
என்னுள் வாழ்கிறீர்கள்
இமை முடி எடுத்து ஊதுகிறேன்
உங்கள் ஆயுள் வேண்டி!!!

நான் ஏன் மாறணும்???

2009-06-19T14:00:00.007+08:00

1.உங்களுக்கு ஏன் இந்தப் பெயர் வந்தது? உங்களுக்கு உங்க பெயர் பிடிக்குமா?

தெரியல யாரு வச்சதுன்னு.....முழுப்பெயர் அவ்வளவாய் பிடிக்காது...அதனால என் பேருல பாதியான புனிதா மட்டும்தான் எப்பொழுதும்.

2. கடைசியாக அழுதது எப்பொழுது?

கடந்த ஞாயிற்றுக்கிழமை Kabhi Kushi Kabhi Gham படம் பார்த்து. இனிமேல் இந்தப் படம் பார்க்கக் கூடாதுன்னு முடிவுப் பண்ணிட்டேன்...:-(

3. உங்களோட கையெழுத்து உங்களுக்கு பிடிக்குமா?

பிடிக்கும் ஆனா இந்தக் கையெழுத்துக்காகவே அடிக்கடி திட்டு வாங்குவதுண்டு இன்று வரையிலும்...மிகவும் சிறியதாக இருப்பதால் ;-)

4. பிடித்த மதிய உணவு என்ன?

அம்மாவின் சமையல்...பெரும்பாலும் சாம்பார்..சாதம்..வெண்டைக்காய் பொரியல்

5. நீங்கள் வேறு யாருடனாவது உங்களோட நட்பை உடனே வச்சுக்குவீங்களா? இது உண்மையான கேள்வி அல்ல! தொடரை ஆரம்பித்த நிலாவும் அம்மாவும் பதிவில் இருக்கிற உண்மையான கேள்வி: நீங்கள் வேறு யாராவதாக இருந்தால் உங்களோட நட்பு வச்சுக்குவீங்களா?

ரொம்ப கஷ்டம். நானாக யாரிடமும் நட்பு வைத்துக் கொள்ள மாட்டேன். என் அலுவலகத்தில் வேலைப்பார்க்கும் இந்தியர்கள் நான் ரொம்ப பந்தா பேர்வழின்னு கிண்டல் பண்ணுவாங்க... 1 வருடத்துக்கும் மேலாகி அவர்களே வந்து வலியப் பேசிய பொழுதுதான் அவர்களோடு பேசினேன்..ஆனா என்னோட கூச்சசுபாவம்தான் காரணமுன்னு அவங்களுக்கு தெரிய ரொம்ப நாளாச்சு... சாட்ல்ல மொக்கை போடுறத வச்சு தப்புக்கணக்கு போடாதீங்க :-)

6. கடலில் குளிக்க பிடிக்குமா....அருவியில் குளிக்க பிடிக்குமா?

இரண்டுமே பார்த்து இரசிக்கத்தான் பிடிக்கும்

7. முதலில் ஒருவரைப் பார்க்கும் போது எதை கவனிப்பீர்கள்?

கண்கள்...!

8. உங்க கிட்ட உங்களுக்கு பிடிச்ச விஷயம் என்ன? பிடிக்காத விஷயம் என்ன?

பிடித்த விஷயம் - என்னை எனக்குப் பிடிக்கும்

பிடிக்காத விஷயம் - கோபம்...அவசரம், கூச்சசுபாவம், தொட்டாச்சிணுங்கியாய் இருப்பது...!!

9. உங்க சரி பாதி கிட்ட உங்களுக்கு பிடித்த பிடிக்காத விஷயம் எது?

இப்ப பிடிச்ச நிறைய விஷயம் க.பி பிடிக்காமலும் போகலாம் இல்லையா..அதனால் எதிர்ப்பார்ப்பில்லாமல் இருக்கவே பிடிச்சிருக்கு :-)

10. யார் பக்கத்துல இல்லாம இருக்குறதுக்கு வருந்துகிறீர்கள்?

யாருமே இல்லாத தனிமைத்தான் எப்போதுமே பிடிக்கும் அதனால் நோ வொரிஸ்

11. இதை எழுதும் போது என்ன வர்ண ஆடை அணிந்து உள்ளீர்கள்?

கறுப்பு & மரூண்

12. என்ன பார்த்து/கேட்டுக் கொண்டு இருக்குறீங்க?

பொத்தி வச்ச மல்லிக மொட்டு பூத்திருச்சு வெட்கத்தை விட்டு :-)

13. வர்ணப் பேனாக்களாக உங்களை மாற்றினால் என்ன வர்ணமாக உங்களுக்கு ஆசை?

கருப்பு

14. பிடித்த மணம்?

செண்பகப்பூவின் மணம்(காலையில் அலுவலகத்துக்கு வந்ததும் செண்பக மரத்தில் பூப்பூத்திருக்கான்னு பார்த்திட்டுத்தான் உள்ளேயே நுழைவேன்) குழந்தையின் பால் மணம், பெட்ரோல் அப்புறம் மார்க்கர் பேனாவின் மணம் ரொம்பப் பிடிக்கும்!

15. நீங்க அழைக்கப் போகும் பதிவரிடம் உங்களுக்கு பிடித்த விஷயம். அவரை அழைக்கக் காரணம் என்ன?

யாருமில்லைங்க...

16. உங்களுக்கு இதை அனுப்பிய பதிவரின் பதிவில் உங்களுக்குப் பிடித்த பதிவு?

1. கவிதா அக்கா - வெகு அண்மையில் கெளரி ஏன் கோபப்படலை?!!

2. சுபாஷினி - கடல் கன்னிகள் - ஓர் ஆராய்ச்சி (முதல் முறையாக என்னிடம் கோபப்பட காரணமான பதிவு அதனால் ரொம்பவே பிடிக்கும்)

17. பிடித்த விளையாட்டு?

டென்னிஸ்..பூப்பந்து..பள்ளி நாட்களில் வலைப்பந்து

18. கண்ணாடி அணிபவரா?

ஆமாம்

19. எப்படிப்பட்ட திரைப்படம் பிடிக்கும்?

Fantasy and Love

20. கடைசியாகப் பார்த்தப் படம்?

முழுமையாக பார்த்த படமென்றால் கன்னத்தில் முத்தமிட்டால் & Kabhi Kushi Kabhi Gham... புதுப்படம் பார்க்க இப்போதைக்குப் பொறுமையில்லை

21. பிடித்த பருவ காலம் எது?

கோடைத்தவிர எல்லா காலமும் பிடிக்கும்.. மார்கழி குளிர்க்காலம் ஸ்பெஷல்

22. என்ன புத்தகம் படித்துக் கொண்டு இருக்கீங்க?

ம்ம்ம் The Kite Runner (57 வது பக்கத்திலேயே - சாரி அண்ணா ) The Da Vinci Code ( 76வது பக்கத்தில்)

23. உங்கள் டெஸ்க்டொப்-ல் இருக்கும் படத்தை எத்தனை நாளுக்கு ஒரு நாள் மாற்றுவீர்கள்?

போரடித்தாலோ வேறு ஏதாவது புதிதாக கவர்ந்தாலோ!!!

24. பிடித்த சத்தம் ? பிடிக்காத சத்தம்?

அ) காலையில் அலுவலக வளாகத்தையொட்டிய காட்டில் கேட்கும் பட்சிகளின் சத்தம் பிடிக்கும்..அப்புறம் ஏதாவதொரு சமயத்தில் மட்டுமே கேட்க முடிந்த தேவாலய மணியோசை (அரிதாக கேட்பதால் ரொம்ப பிடிக்கும்)

ஆ) கார் ஹாரன் சத்தம் பிடிக்காது...வானொலியோ தொலைக்காட்சியோ அலறினால் பிடிக்காது!!

25. வீட்டை விட்டு நீங்கள் சென்ற அதிக பட்ச தொலைவு?

ம்ம்ம் சரியாக தெரியல... மொத்த தீபகற்ப மலேசியாவை சுற்றியாச்சு.. வெளிநாட்டுக்கு இதுவரையில் சென்றதில்லை

26. உங்களுக்கு ஏதாவது தனித்திறமை இருக்கிறதா?

வயலின் வாசிப்பது ...(கனவினில் மட்டுமே)

27. உங்களால் ஏற்றுக் கொள்ள முடியாத ஒரு விஷயம்?

Nagging & நம்பிக்கைத் துரோகம்

28. உங்களுக்கு உள்ளே இருக்கும் சாத்தான்?

கோபம்

29. உங்களுக்கு பிடித்த சுற்றுலா தலம்?

கேரளா...நேப்பாளம்..... இனிமேல்தான் போகணும்

30. எப்படி இருக்கணும்னு ஆசை?

தொட்டதுக்கெல்லாம் சிணுங்காமல் :-)

31.கணவர்(மனைவி) இல்லாமல் செய்ய விரும்பும் ஒரே காரியம் ?

Pass

32. வாழ்வு பற்றி ஒரு வரி சொல்லுங்க?

நாம் வாழ்வதற்கு மட்டுமல்ல பிறரை வாழ்விக்கவும்தான் வாழ்க்கை

நினைவு...சில குறிப்புகள் 2

2009-06-15T12:12:00.003+08:00

மின்மடல்களும் தொலைப்பேசிகளும்

உறவின் வட்டத்தை

குறுக்கிக் கொண்ட

தனிமைப் பொழுதில்

அஞ்சல் பெட்டியில்

பரிச்சயமில்லாக் கையெழுத்தில்

திருமண அழைப்பிதழொன்று

இதுவரை காணாது

நனைந்துக் கிடக்கிறது

தொலைந்துப் போன

நட்பினைத் தேடி!!!

காதல்...சில குறிப்புகள் II

2009-06-15T10:13:00.002+08:00

நீயில்லா நாட்களை

புகைப்படங்களும்

குறுஞ்செய்திகளும்

நிரப்புகின்றன...

நானில்லா உன் நாட்களை

எவை நிரப்புகின்றன?

நினைவு...சில குறிப்புகள் 1

2009-06-15T10:00:00.002+08:00

மூடாத சன்னலில் நுழைந்த

கரப்பான் பூச்சியைக்

கண்டு அலறியடித்தவள்

வழித்தவறி வீட்டில்

நுழைந்த பட்டாம்பூச்சிக்காக கதவு திறக்கிறாள்

அதன் சிறகுகள் விரிய!!!

அவனோடு பேசப் பிடிக்காமல்

ஊடலில் தாய் வீடு சென்றவள்

கோடை முடிந்தும் முடியாமலே

வீடு திரும்புகிறாள் அவன்

வாசமில்லா நாட்களின்

வெறுமையோடு!!!

வீட்டு மாமர கிளையில்

ஏறிய மகளை துரத்தி

உள்ளே அனுப்பியவள்

அவள் யாருடனோ

கொஞ்சுவதை கவனித்து நெருங்குகிறாள்

பால்கனியை நெருக்கி வளைத்து குழைந்திருந்த

மரக்கிளையில் அணிலொன்று

ஓடிப்பதுங்குகிறது அவளைக் கண்டு!!!

Thanks:Carla Sonheim

உன்னைச் சரணடைந்தேன் மன்னவா!

2009-06-06T10:00:00.000+08:00

உன்னைச் சரணடைந்தேன் மன்னவா! மன்னவா!
இன்னும் ஒரு தேவை சொல்லவா சொல்லவா...
இந்த அழகிய நிமிஷம் இது வளர்ந்திட வேண்டும்
இது முடிகிற நேரம் உயிர் விட வேண்டும்!
உடலும் மனமும் உனையேத் தொடர...
உன்னைச் சரணடைந்தேன் மன்னவா! மன்னவா!

காற்றுவெளி மின்மினியாய் கண்கள் வழி நீ வந்தாய்!
நான் எழுதும் மேஜையிலே எரியும் விளக்காய் ஒளிருகிறாய்!
ம்ம்...எனது விரல் நீ பிடித்து உயிரெழுத்தை எழுதுகிறாய்!
துணையெழுத்து நீயாக உறவின் வயதை உயர்த்துகிறாய்!

உன் வெள்ளி மனம் பொன் மஞ்சள் நிறம்
நான் என்னை வரைந்தேன்!
நான் செய்த தவம் நீ தந்த வரம்
நான் உன்னை அடைந்தேன்!
அந்த சங்கீத சந்திப்பில் சந்தோஷ தித்திப்பில்
ஒரு துளி மழையென மடியினில் விழுந்தேன்!
உன்னைச் சரணடைந்தேன் மன்னவா! மன்னவா!

தேய்ந்து வரும் வான்மதியாய் நேற்று வரை
வாழ்ந்திருந்தேன் இன்று உந்தன் திருமதியாய்
உனது நினைவில் வளருகிறேன்
பூவில் விழும் பனித்துளியாய்
மனதில் உனை நான் சுமந்தேன்
நீ கொடுத்த கனவுகளை
எனது விழியில் வாங்குகிறேன்

உன் பார்வைகளில் உன் ஸ்பரிசங்களில்
நான் என்னை அறிந்தேன்
உன் பூவிதழில் உன் புன்னைகையில்
நான் இடறி விழுந்தேன்
இங்கு உன் வாசம் என்னோடு
என் வாசம் உன்னோடு தொலைந்திட
சிறகென காற்றினில் மிதந்தேன்

உன்னைச் சரணடைந்தேன் மன்னவா! மன்னவா!
இன்னும் ஒரு தேவை சொல்லவா சொல்லவா...
இந்த அழகிய நிமிஷம் இது வளர்ந்திட வேண்டும்
இது முடிகிற நேரம் உயிர் விட வேண்டும்
உடலும் மனமும் உனையேத் தொடர
உன்னைச் சரணடைந்தேன் மன்னவா! மன்னவா!

நீண்ட நாட்களாக போட நினைத்த பதிவு....கொஞ்சம் பழைய ஆனால் இனிமையான பாடல்... ஹரிஷ் ராகவேந்திராவின் குரல் பனிக்கூழில் நனையும் சுகம்..இப்போதைக்கு ஐஸ்கிரிம் சாப்பிட முடியாவிட்டாலும்...காய்ச்சல்தான் இன்னமும் சரியாகலையே :-( பாடலையாவது கேட்டு இரசிக்கிறேன்... :-)

Get Your Own Hindi Songs Player at Music Plugin

காதல்...சில குறிப்புகள் I

2009-06-01T11:10:00.001+08:00

தவறுகள் நீ

தண்டனைகள் நான்?

அட...

இந்தக் காதல் பிடிச்சிருக்கு!!!

01.06.2009

மீண்டும் வாய்க்குமா?

2009-05-29T19:07:00.004+08:00

தோளில் சாய்ந்துச் சண்டைப் போடவும்
கைகள் கோர்த்துச் சாலை நடக்கவும்
தலைமுடி கலைத்து வாரி விடவும்

நீ அருந்திய தேநீர் திருடிப் பருகவும்
நெற்றி...கன்னம்...மீசை உறுத்தவும்
புஜத்தில் சரிந்து உறங்கிக் கொள்ளவும்
மீண்டும் வாய்க்குமா
உன் மூச்சுக் காற்று உரசிய
அதே ஞாயிறு??

29.05.2009

மாற்றங்கள்!!!

2009-05-24T12:00:00.001+08:00

கைப்பேசியின் எண்கள் மாற்றம்!
புகைப்படங்களும்...பொம்மைகளும்
ஏதோவொரு முடுக்கில்
சிறையெடுக்கப்படுதல்...!
பிடிக்காத நிகழ்வுகளையும் விரும்பியேற்றல்!
ஒற்றுமைகள் சில வேற்றுமையாதல்!
கனவுகளும் உறக்கங்களும் கலைந்துபோதல்!
தலையணையும் கண்ணீரில் கரைந்துப்போதல்!
எல்லாமே முதல் காதல் தோல்வியின்
அறிவிப்புகளோ???

24.05.2009

முதல் முறை உன்னைப் பார்த்த...

2009-05-21T10:23:00.005+08:00

முதல் முறை உன்னைப் பார்த்தப் போதே
பல முறை வாழ்ந்த எண்ணம் ஏனோ
உலகத்திலே உன் முகம்தான் பிடிக்கிறதே

கனவினில் உன்னைப் பார்க்கும் போதும்
அருகினில் என்னைக் காண வேண்டும்
உன்னருகே நான் இருந்தால சிலிர்கிறதே

நீ விளையாட்டுப் பிள்ளை – உனக்கு நான்
தலையாட்டும் பொம்மை
எனைத் தாயைப் போலத் தாங்க வேண்டும் மடியினிலே

முதல் முறை உன்னைப் பார்த்தப் போதே
பல முறை வாழ்ந்த எண்ணம் ஏனோ
உலகத்திலே உன் முகம்தான் பிடிக்கிறதே

நீ அருகில் தோன்றும் நேரமே
வானிலையும் மாறிப் போகுதே
நீயும் நினைத்தால்
வானவில் வந்து விடுமே

உன் மனதில் தோன்றும் வார்த்தையே
என் உதடும் கூற வேண்டுமே
உன்னை நினைத்தால்
வாழ்விலே என்றும் சுகமே

உன்னுடன் இருப்பதால் உயிருடன் இருக்கிறேன்
உனக்கென வேண்டுமா உயிரையும் தருகிறேன்

நான் உன் மூச்சில் வாழும்
வரமது எந்நாளும் போதும்
நீ சூடும் பூவும் வாடும் போது வலித்திடுமே

முதல் முறை உன்னைப் பார்த்தப் போதே
பல முறை வாழ்ந்த எண்ணம் ஏனோ
உலகத்திலே உன் முகம்தான் பிடிக்கிறதே

நீ நடந்துப் போகும் வேளையில்
கால் வலிக்கும் என்று கலங்குதே
தோளில் சுமந்தே தாங்குவேன்
உன்னை தினமே

தோளிரண்டில் என்னைத் தூக்கினால்
நாள் கணக்கில் அங்கு தூங்குவேன்
நானும் உனையேத் தாங்குவேன்
நெஞ்சில் நினைத்தே

சூரியன் உதிப்பதே ஒரு முறை காணவே
பூமியில் பிறந்ததே உன்னுடன் வாழவே

அந்த மழை மேகம் யாவும்
இறங்கியே உனைத் தீண்ட ஏங்கும்
இனி கோயில் தேடிப் போக மாட்டேன்
தெய்வமும் நீ!!!

முதல் முறை உன்னைப் பார்த்தப் போதே
பல முறை வாழ்ந்த எண்ணம் ஏனோ
உலகத்திலே உன் முகம்தான் பிடிக்கிறதே

(முதல் முறை கேட்ட விநாடியிலேயே மிகவும் பிடித்துப் போன பாடலிது..இப்போதைக்கு இந்த பாடல் மட்டும்தான் பிடிச்சிருக்கு)

வேண்டுதல்...வேண்டாமை!!!

2009-05-12T10:00:00.002+08:00

உன் இதயம்
சுமந்து உயிர் வதை
கொள்வதைவிட
அதை இறக்கி
இளைபாறுதலே
மரண சுகம்!!!

..............................

முடிவுகளற்ற முதல்
பிரிவின் உக்கிரம்
அறிமுகமான மௌனமாய்
உறைந்து விழிகள்
நிறைக்கின்றது கவிதையாய்!!!

12.05.2009

காதல்...வேண்டாம்

2009-05-11T10:00:00.005+08:00

தனிமை...அவஸ்தை
மரணம்...தோல்வி
கண்ணீர்...பிரிவு...தேடல்
நட்பு...காதல்...
இந்த வார்த்தைகளைப் போல்
உனக்கான என்
காத்திருப்புகளும் அர்த்தமற்றதுதான்!!!

மாலை நேர தேநீர்
பிடித்தப் பாடல்
மழைக்கால மேகம்
பக்கத்து வீட்டு ரோஜா
வாசித்து முடிக்காத நாவல்
கைப்பேசியின் அழைப்புப் பாடல்
உன் நிழற்படம்
இலக்கற்ற பார்வை என்று
உன்னை நினைவுப் படுத்திக்
கொல்வதுப் போல்
இந்த கவிதையும்
உன்னை நினைவுப்
படுத்திக் கொல்லத்தான்!!!

காதல் வேண்டாம்
கண்ணீர் போதும்
உன்னை நினைவுப்
படுத்திக் கொள்ள
மட்டும்!!!

சிறகுகள், சிலுவைகள்!!!

2009-04-12T18:00:00.006+08:00

விரல் தீண்டி
விளையாட்டு காட்ட
வேண்டாம்!
இதழ் கடித்து
மௌனம் பேச வேண்டாம்!
சிறகுகள் தந்து சிலுவைகள்
முறித்து விடு போதும்
உயிர்த்தெழுந்துவிடும்
உனக்கான என் காதல்!!!

Happy Easter!!!

இனிய பிறந்த தின நல்வாழ்த்துகள்!!!

2009-03-28T00:05:00.005+08:00

நமது முதல் பரிச்சயம்கூட விசித்திரமான அனுபவம்தான் இல்லையா? அந்த விசித்திரம்தான் உன்னை மற்றவர்களிடமிருந்து வேறுபடுத்தி எனக்கு காட்டிக் கொடுத்தது...!!

ம்ம்ம்!!! நமக்கான நாட்களில் எவ்வளவு வருடங்களை தவறியிருக்கேன் என்பதை உணருவதே எனக்குள் ஓர் அவமான குன்றல்தான்..!!! வெரி சாரிடா... நீ நெருங்கி வந்த போதெல்லாம் உன்னையும் உன் அன்பையும் புரிந்துக் கொள்ளத் தவறியிருப்பதே இன்றைய பிரிவுக்கான காரணமாய் இருக்குமோ? அதனால் என்ன தூரம் நம்மை பிரித்தாலும் நீ என்றைக்குமே எனக்கு இனிய தோழன்தான்!!

இந்த உணர்வுகளைச் வெளிப்படுத்த நிச்சயமாய் எனக்கு கவிதை தேவையில்லை :-)

Thanks da....for being there for me whenever I need you to be there..!!!

அன்பான தம்பிக்கு பிரியமான அக்காவின் இனிய பிறந்த தின நல்வாழ்த்துகள்!!! Miss u Bro!!!

சொல்லாமலே..............

2009-03-19T11:57:00.005+08:00

ஒவ்வொரு முறையும்
உடைந்துப் போகிறேன்
உன் நினைவுகளை
சுமக்க முடியாத
வறண்ட நிலமாய்!!!

உன்னருகில் நான்
என்னருகே நீ
காதல் மட்டும்
தூரமாய்!!!

வார்த்தைகள் ஒளிந்து
உயிர் கொல்கிறது
உன் மௌனம்...
இதயம் தாண்டி
தவிக்கிறது ஒரு தேடல்!!!

உன்னிடம் உடன்படும்
நட்பு காதலில்
மட்டும் ஏன்
முரண்படுகிறது!!!

மீட்டெடுத்தல்!!!

2009-03-15T18:36:00.002+08:00

வரம்பு மீறிய ஓர் இரவில்
வார்த்தைகளை மீட்டெடுக்கும்
முன்பே திரும்பிப் பாராமல்
விலகிச் சென்றாய்!!
மறுபடியும் நீ வருவாயென
தெரியாமல் மனவாசலடைத்தேன்
ஓசையின்றி வந்து
மீண்டும் திரும்பிச்
செல்லத் துடிக்கும்
உன்னிடம்...
இன்றும் என் இதயம் துடிப்பது
உனக்காகவென்று எப்படி
உணர வைப்பேன்!!

இந்தப் பயணத்தில்...........

2009-03-03T13:26:00.013+08:00

சாலைகளும் அதன் மீது பயணிக்கும் தருணங்களும் பெரும்பாலும் நமக்கு எவ்வித தொடர்பில்லாமலேயே கரைந்துப் போகின்றன. பரபரப்பும் இயந்திரத்தனமான வாழ்வியல் சூழலும் சாலையை வெறும் போக்குவரத்து தடமாக மட்டுமே யோசிக்க வைக்கின்றன. அதிலும் நம்மில் பெரும்பான்மையோர் சாலையை வெறுக்கவும் செய்கின்றனர் காரணம் அது ஏற்படுத்தும் நெரிசல். சாலைகள் எப்போதுமே நெரிசலை ஏற்படுத்தியதில்லை அதில் பயணிக்கும் நாம்தான் நெரிசலை உண்டாக்குகிறோம் என்பதை அறிவோமா?

கடந்த மாதம் முழுவதும் காலை நேரத்தை சாலைக்கு இரையாக்கி வந்துள்ளேன். சமிக்ஞை விளக்கிலும் போக்குவரத்து நெரிசலிலும் மாட்டிக் கொண்ட அவஸ்தைகள் இனி மீளாதா என்று ஏங்கிய தருணங்கள்தான் எத்தனை...எத்தனை? ஆனாலும் வெறுக்கத் தோன்றியதில்லை. காலையில் எரிச்சலூட்டும் அதே சாலை மாலை வேளையில் சுவாரசியத்திற்கு உரியதாய் மாறிவிடும் விந்தை இதுவரையிலும் விளங்கவில்லை. மாலை வேளையில் நெரிசலில் சிக்கிக் கொண்டாலும், இசையிலும்....கையில் கொண்டு வந்த புத்தகத்தின் ஏதாவது பக்கத்திலும் நிலைத்து விடுவதால் அன்றைய மாலைப் பயணம் இலகுவாகி விடுகிறது. அதுவும் சுவைக்காத நாட்களில் சாலையின் இருபுறமுள்ள வாகனங்களிலும்....சுற்றுப்புறத்திலும் பார்வை அலைபாயத் தொடங்கிவிடுகிறது.

இதுவரை கண்ணில் படாத பதாகைகளோ... வாசகங்களோ... வீடுகளோ... அலுவலகங்களோ அப்போதுதான் கண்ணில் படுகின்றன. அதில் சிலது என்னையும் மீறிச் சிரிக்கவும் சிந்திக்கவும் வைத்திருக்கின்றன. சாலையென்றும் பாராமல் காரில் சண்டைப் போட்டுக் கொண்டிருக்கும் இளம் ஜோடிகள்.....காரின் பின்புற சீட்டில் பள்ளிச் சீருடையில் இருக்கும் சிறுமி அவளுக்குப் பின்னால் வந்துக் கொண்டிருக்கும் காரோட்டியிடம் அழகுக் காட்டுவது... இன்னும் நிறைய சுவையான சம்பவங்கள் உண்டு....!!!!

பொதுவாகவே விரைவுச் சாலையில் பயணிப்பதைவிட சாதாரண சாலையில் பயணிக்கவே மனது ஏங்குகிறது.விரைவுச்சாலையில் வாகனங்களைத் தவிர காண வேறொன்றும் கிடைப்பதில்லை. பசுமை போர்த்திய மலைகள்கூட காரோட்டியாய் சாதாரண நாட்களில் காண இரசிப்பதில்லை.

வழக்கமாக நான் மலாயாப் பல்கலைக்கழக சாலையில் பயணிப்பதால், வேலை முடிந்து வரும் நேரங்களில் கல்லூரி முடிந்து பேருந்துக்காகக் காத்திருக்கும் மாணவிகளைக் காண நேரிடும். அருகிலேயே தனியார் மருத்துவக் கல்லூரி. களைத்துப் போய்த் திரும்பும் அவர்களை தன் நிழலில் தாங்கிக் கொள்ள சாலையின் இருமங்கிலும் அடர்ந்த மரங்கள். களைப்பையும் மீறி மகிழ்ச்சியின் இரேகைகள் இந்த மாணவர்களின் கண்களில் பளிச்சிடுவதைப் பார்க்கச் சுவாரசியமாக இருக்கும். கல்லூரி மாணவர்கள் எப்பொழுதுமே என் நேசத்துக்குரியவர்கள்தான். நான் கடந்து வந்த இனிய ராகத்தின் ஆதார சுருதிகள் இவர்கள் அல்லவா?

தனியார் கல்லூரியை அடுத்து வரும் 750 ஏக்கரை தனதாக்கிக் கொண்டு நிற்கிறது மலாயாப் பல்கலைக்கழகம். சுதந்திரம் பெறுவதற்கு முன்பாக, சிங்கப்பூரில் ஏப்ரல் 1949-இல் இப்பல்கலைக்கழகம் முதன் முதலில் தோற்றுவிக்கப்பட்டிருந்தாலும் 1962-இல் ஜனவரி முதலாம் நாள் அன்றைய மலாயாவில் தேசியப் பல்கலைக்கழகமாக அமைக்கப்பட்டதாக வரலாறுகள் பகர்கின்றன.

மலாயாப் பல்கலைக்கழகத்தில் படித்துப் பட்டம் பெற வேண்டுமென்பது அநேக மாணவர்களில் கனவாகும். மலாயப் பல்கலைக்கழகம் என்னிலும் இன்னமும் கனவாய்தான் உள்ளது. இந்திய ஆய்வியல் துறையைக் கொண்டுள்ள ஒரே மலேசிய பல்கலைக்கழகமும் இதுவேயாகும். முதன் முறையாக நான் காலடி வைத்ததும் இந்திய ஆய்வியல் துறையில்தான். கனவுகளில் மட்டுமே சஞ்சரித்துக் கொண்டிருந்ததை நேரில் கண்டப் போது மனதிற்கும் நெருங்கிய சினேகமாகிவிட்டது. ஒவ்வொரு முறையும் இந்தச் சாலையில் செல்கையில் என்னையுமறியாமல் முகத்தில் மென்முறுவல் மலர்ந்து மறைகின்றது. பிரமாண்டங்கள் எதுவுமில்லாது பழமையை மட்டும் மௌனமாய் போர்த்திக் கொண்டுள்ளது இப்பல்கலைக்கழகம். நாட்டின் புகழ்பெற்ற அரசியல்வாதிகளையும், அறிஞர்களையும், கல்விமான்களையும் செதுக்கிய சிற்பியென்ற கர்வம் சிறிதுமின்றி எளிமையாய் தோற்றமளிக்கிறது மலாயாப் பல்கலைக்கழகம்.

என்னுடன் படித்த சில நண்பர்கள் எங்களின் பல்கலைக்கழகத்தோடு மலாயா பல்கலைக்கழகத்தை ஒப்பிட்டு நம் பல்கலைக்கழகம்போல் வராது என்று பெருமைப்பட்டுக் கொண்டதுண்டு. உண்மைத்தான்...அவர்கள் பெருமைப்பட்டுக் கொள்வது 100 ஆண்டுகளைக்கூட தாண்டாத கட்டிடங்களை மட்டும்தான். புதுமையை பாராட்டிப் பெருமைக் கொள்ளும் நாம் பழமையையும் அது சுமந்துக் கொண்டிருக்கும் வரலாற்றின் சுவடுகளையும் ஏனோ அறிய மறந்துவிடுகின்றோம். அதை விட இப்பொழுதெல்லாம் பல்கலைக்கழகமும் கல்வியும் வெறும் வணிகமாக மாறி வருவது வருத்தமளிக்கும் விசயமாகும்.

சிறுவயதிலிருந்தே ஒரு கெட்டப்பழக்கம் உண்டு. பொதுவாகவே மலேசிய கார்கள் அனைத்தும் நான்கு இலக்க எண்களைக் கொண்டிருப்பதால் சாலையில் காணும் கார்களின் எண்களை மனதுக்குள்ளேயே கூட்டிக் கொள்ளும் பழக்கம். எவ்வளவோ முயன்றும் இது வரையிலும் இந்தப் பழக்கம் மாறவேயில்லை. உதாரணத்திற்கு 2910 = 2+9+1+0(1+2)=3. எல்லாம் இந்த நியுமராலஜியில் ஏற்பட்ட ஈர்ப்பாகக்கூட இருக்குமோ?

நான் சாலையில் கண்ட முதல் சாலை மரணம் இன்னமும் நினைவில் உள்ளது. பல நாட்கள் அந்தச் சாலை வழியே செல்லும் போது அந்தச் சம்பவம் மனதுக்குள் குளிர் பரப்பி திகிலூட்டியிருக்கிறது. மறுநாள் அவ்வழியே வரும்போது சிலர் ஏதோ காகிதத்தை எரித்துக் கொண்டிருப்பதை காண முடிந்தது. மரணமுற்றவரின் ஆத்மா சாந்தியடைய வேண்டிக் கொள்கிறார் என்பது அப்போது புரிந்தது. சாலை சில சமயம் உயிரைக் குடிக்கும் அரக்கனாய் மாறிவிடுவதை நம்மில் பலர் உணர்ந்திருப்போம்.

பொதுவாகவே மலேசியர்கள் இறைநம்பிக்கை கொண்டவர்களாக இருப்பினும் ஆவிகள், அமானுட சக்திகள், மாந்ரீகம் மீது அதீத நம்பிக்கையுடையவர்களாகவே இருக்கின்றனர். வட மலேசியப் பல்கலைக்கழகம் கட்டமைக்கும்போது காடுகளையும் மலைகளையும் அழிக்க வேண்டிய நிலையென்பதால் அங்கு பல்லாண்டுகளாக வாழ்ந்து வந்த அமானுடவாசிகளை இடம்பெயர்க்க வேண்டியிருந்தது. அவர்களையெல்லாம் பேருந்தில் ஏற்றி வந்து காராக் காட்டில் விட்டதாக இன்று வரை வதந்தியுள்ளது. அதனால் காராக் நெடுஞ்சாலையில் பின்னிரவில் பயணிக்கும்போது இந்த அமானுட சக்திகளின் சேட்டைகள் அதிகமாயிருப்பதாக கூறுகின்றனர். அதிலும் சுவாரசியமானது இந்த அமானுட சக்திகளை பிடிக்க தாய்லாந்திலிருந்து போமோக்களும் மாந்ரீகர்களும் வரவழைக்கப்பட்டதாக சொல்கின்றனர். இதில் நகைச்சுவையான விசயம்..கண்ணுக்கு புலப்படாதவர்களை பேருந்தில் கூட்டி வந்தது :-))) இதுப் பற்றி மேலும் விபரங்களை அங்குப் படித்த மாணவர்களிடம் கேட்டுத் தெரிந்துக் கொள்ளலாம். ஆனாலும் மறுபதற்கில்லை....புதிதாகக் கட்டப்பட்ட எங்களுடைய மொழிப்புலத்திலும் இதே கதையுண்டு. பக்கத்திலேயே சீனர்களின் இடுகாடு இருப்பதால் மக்ரிப் தொழுகைக்குப் பிறகு அந்தப் பக்கம் தனியே செல்ல அனுமதிக்கப்படுவதில்லை. என்னுடைய பேராசிரியர்கூட அந்தப் பக்கம் வாண்டுகள் அலைந்துக் கொண்டிருக்கும் என்று கூறுவார். அவருடைய அறை இடுகாட்டுக்குப் பக்கத்திலேயே இருப்பதால் அடிக்கடி இந்த அமானுட சேட்டையைப் பற்றி கூறுவதுண்டு. அடுக்கி வைத்த புத்தகங்களைக் கலைத்துப் போடுவதும்..பூகம்பமே வந்ததுப்போல் அறை நடுக்கம் காண்பதும்...!! ஒரு சமயம் அவர் கண் முன்பே அடுக்கி வைத்திருந்த புத்தகங்கள் வீசியெறியப் பட்டதைப் பார்த்து அரண்டுவிட்டதாக கூறியிருக்கிறார். சில சமயம் இரவு வகுப்பு முடிந்து நாங்கள் வேப்பமரத்தின் அருகிலுள்ள நாற்காலியில் அமர்ந்திருப்போம்.வேப்பம் பூவின் நறுமணம் நாசியைத் துளைத்தெடுக்கும் ஆனாலும் எந்த ஆவியையும் இது வரைக் கண்டதில்லை. மாணவர் தங்கும் விடுதியில் இந்த ஆவிக் கதைகள் நிறைய உண்டு. ஹிஸ்டீரியா மலாய் மாணவிகளிடேயே வெகு சகஜமான விசயம்.

தற்போது நான் பணிபுரியும் அலுவலகம் புக்கிட் கியாரா என்ற மலையில்தான் உள்ளது. இங்கே அலுவலகம் கட்டியிருப்பது வேற்று உலகத்தில் அத்துமீறி நாம் நுழைந்து விட்டதாக என்னுடன் வேலைப் பார்க்கும் மலாய்க்காரர்கள் கருதுகின்றனர். ஓரிருவர் இளம்பெண்ணை கண்டதாக கூறுகின்றனர். யாருமில்லாத நேரத்தில் பக்கத்து அறையில் நாற்காலி சுழலும் சத்தம் கேட்டு அந்த அறையையே காலிச் செய்தவர்களும் உண்டு. நான் கிட்டதட்ட ஒரு வருடத்திற்கும் மேலாக குறிப்பிட்ட அந்த அறைக்குப் பக்கத்திலேயே இருந்துள்ளேன். அதிகாலையிலும் இரவிலும்கூட சில சமயம் பணி நிமித்தமாக தனியாக இருக்க வேண்டியிருந்திருக்கிறது ஆனால் எந்தவித சத்தமும் கேட்டதேயில்லை. அதிலும் எங்கள் அலுவலகத்தில் பலர் ஆடிட்டேரியம் பக்கம் தனியே செல்லப் பயப்படுவர். ஆனால் நான் பலமுறை தனியாக போய் வந்துள்ளேன். பயமில்லையென்று சொல்ல முடியாது...நாங்கத்தான் நடக்க மாட்டோமே ஓடிடுவோமே :-))அம்மாவிடம் இதுப்பற்றிக் கூறினால் "நீயே பெரிய பிசாசு உன்னைக் கண்டு அதுதானே பயப்படனுமுன்னு கிண்டல் செய்வார்". :-(( . ஆனால் ஏதோ அமானுட சக்தி இங்கு இருப்பது மட்டும் உண்மையென்று புரிகிறது.

தீபகற்ப மலேசியாவில் வடக்கிலிருந்து தெற்கு வரையிலுமுள்ள மாநிலங்களை இணைக்கும் பாலமாக வடக்குத் தெற்கு நெடுஞ்சாலை விளங்குகின்றது. மலேசியாவின் சிறந்த சாலை நிர்மாணிப்புக்கு இந்த நெடுஞ்சாலை சிகரமாய் விளங்குகிறது. மலைகளை குடைந்து எப்படிதான் நிர்மாணித்திருப்பார்களோ..!!! எனக்கு இதில் மிக விருப்பமான இடம் தாப்பா-செண்டிரியாங் நெடுஞ்சாலை. லத்தா கிஞ்சாங் அருவியை நெடுஞ்சாலையில் பயணிக்கும் போதே காணலாம். இந்த நெடுஞ்சாலை சொல்லும் கதைகள் ஆயிரம். அதில் சுவையான கதையொன்று நினைவுக்கு வருகின்றது. ஈப்போவிலிருந்து தைப்பிங் வரை பெரிய வளைவுகளையும் பள்ளங்களையும் மலைகளையும் இந்த நெடுஞ்சாலை கொண்டுள்ளது. அதிலும் ஈப்போ-ஜெலப்பாங் டோல் சாவடி மரண வாசலாக கருதப்பட்ட காலமும் உண்டு. தற்போது டோல் சாவடியை வேறு இடத்திற்கு மாற்றியுள்ளனர்.

பின்னிரவில் இந்த நெடுஞ்சாலையில் தனியாக பயணம் செய்யும் கார்களை ஒரு மஞ்சள் நிற சொகுசு கார் தொடர்ந்து வருவதாகவும்..அந்த காரை முந்திச் செல்லும் ஆவலில் கட்டுப்பாட்டை இழந்து கார்கள் விபத்துக்குள்ளாவதாக கூறுகின்றனர். இது எந்தளவு உண்மையென்று தெரியாவிட்டாலும் பின்னிரவில் தனியே பிரயாணம் செய்வது ஆபத்தை விலைக் கொடுத்து வாங்குவதற்கு சமமாகும்.

சாலைப் பயணத்தில் மிகவும் கொடூரமானதாக நான் கருதுவது பூனையும் நாய்களும் சாலையில் அடிப்பட்டு இறப்பது. பெரும்பாலும் கண்களைக் மூடிக் கொள்வேன். இன்று காலையில்கூட ஒரு பூனை சாலையின் நடுவே அடிப்பட்டு இறந்துக் கிடந்தது. மனிதர்களைக் கூட கண்டுக் கொள்ளாமல் காரில் பறக்கும் இந்த வாகனமோட்டிகள் வாயில்லா பிராணிகளைப் பற்றியா கவலைப் படப் போகிறார்கள். குறைந்தப் பட்சமாய் சாலையில் ஆதரவின்றித் திரியும் பிராணிகளை எஸ்.பி.சி.ஏவில் கொண்டு விடலாம். அல்லது ஆம்புலன்சுக்கு கூப்பிட்டால் அவர்கள் வந்துக் கொண்டுப் போகப் போகிறார்கள். ஒரு முறை நானும் தம்பியும் காரில் வந்துக் கொண்டிருந்தப் போது ஒரு நாய்க்குட்டி சாலையில் விளையாடிக் கொண்டிருந்தது. உடனே தம்பி நாய்க்குட்டியைப் பிடித்துக் வர தெரிந்தவர் வீட்டில் கொண்டுப் போய் விட்டோம். நாம் வளர்க்காவிட்டாலும் அதற்கென்று உள்ள மையத்திலோ நண்பர்களிடத்திலோ கொண்டுப் போய்ச் சேர்க்கலாமே. :-)

சாலைகள் எனக்கு பல சமயங்களில் ஞானம் தருகின்ற போதி மரங்களாய்த்தான் தெரிகிறது.

தமிழ் வலைப்பதிவர்களுக்கு ஒரு வேண்டுகோள்.....

2009-02-27T12:41:00.004+08:00

எமது அன்பிற்கும், மரியாதைக்குமுரிய தமிழ் நெஞ்சங்களே.....

எதிர்வரும் மார்ச் மாதம் ஏழாம் தேதி, பட்டவொர்த் டேவான் ஹாஜி அகமட் படாவி மண்டபத்தில் நடைபெறவிருக்கும் "இன அழிப்பின் விளிம்பில் ஈழத்தமிழர்கள்" என்ற மாபெரும் பொதுக்கூட்டத்தைப் பற்றிய விவரங்களை தங்களது வலைப்பதிவுகளில் பதிவிட்டு, இந்நிகழ்வை வெற்றிப் பெற செய்திட வேண்டுகிறோம்.

மலேசிய வரலாற்றில் முதன்முதலாக, ஒரு மாநிலத்தின் முதல்வர், துணை முதல்வர், நாடாளுமன்ற எதிரணி தலைவர், மூத்த எதிர்கட்சி தலைவர் ஆகியோர் ஒரே மேடையில் தோன்றி இலங்கை அரசாங்கத்தின் இனவெறிப் போக்கை கண்டித்து பேசவுள்ளனர். மலேசிய தமிழர் வரலாற்றில், இதுநாள் வரையிலும் இலங்கை எதிர்ப்பு ஆர்ப்பாட்டங்கள், பொதுக்கூட்டங்கள் நடத்தப்பட்ட பொழுதிலும், இம்முறை நடத்தப்படும் இந்த பொதுக்கூட்டத்தின் வழி மலேசிய மக்கள் மனதில் பெரும் தாக்கத்தை ஏற்படுத்த வேண்டும் என்பதே எமது நோக்கம்.

இக்கூட்டமானது, வெறும் நிதி சேகரிப்பு கூட்டமாக மட்டும் முடிந்து விடாமல், இலங்கை அரசாங்கத்தின் இனவெறி போரை வெளிப்படுத்தும் பிராச்சார கூட்டமாகவும் அமையும். இலங்கையில் நடக்கும் இன அழிப்பு போரை, தீவிரவாதத்திற்கெதிரான போர் என்ற போர்வையில் நடத்தும் இலங்கை அதிபர் இராஜபக்சேவின் போலி முகத்திரையையும் கிழிக்கும் கூட்டமாக இது அமையும். தமிழர் அல்லாத மற்ற மலேசியர்களுக்கு இலங்கையில் நடைபெறும் கொலைவெறி ஆட்டத்தை படம்பிடித்துக் காட்டி, மலேசிய மக்களிடத்தில் இலங்கை பொருட்களை புறக்கணிக்குமாறு கோரப்படும்.

இந்நிகழ்வு சம்பந்தமான விவரங்களை தத்தம் வலைப்பதிவுகளில் வெளியிட்டு, ஈழத்தமிழர் இன்னல் துடைக்க நம்மால் இயன்றதை செய்வோம். நிகழ்வு சம்பந்தமான படங்களை இவ்வலைப்பதிவில் தங்கள் உபயோகத்திற்காக பதிவிடுகிறேன். மேல் விவரங்கள், கீழ்காணும் வலைப்பதிவில் இடம்பெற்றுள்ளது. மற்ற விவரங்களுக்கு 016 - 438 4767 என்ற எண்ணில் எங்களை தொடர்பு கொள்க.

நன்றியுடன்,

மு. சத்தீஸ்,
செயலாளர்,
ஜசெக - ஈழத்தமிழர் நிவாரண நிதி.

(நன்றி - சத்தீஸ் - உரிமைப்போர்)

பார்வையென்னை....EVIL HAS A DESTINY

2009-02-25T16:29:00.005+08:00

வித்தியாசமான இசைக் கோர்ப்பு...வசீகரிக்க வைக்கும் குரல்கள் குறிப்பாக சுகன்யாவின் குரல்...

இப்பாடலின் வழி, அட! போட வைக்கிறார்கள் மலேசிய இசைக் கலைஞர்கள். இசை சொன்னதையும் சொல்லும் சொல்லாததையும் சொல்லுமென்பதற்கேற்ப இனிமையான பாடலிசை. அவசியம் நீங்களும் கேட்டுச் சொல்லுங்கள்.

உருவம் மலேசிய டெலிமூவி

பாடகர்கள் : சுகன்யா & கே.கே கண்ணா

பதிவிறக்கம் செய்ய

சும்ம்ம்ம்ம்ம்ம்ம்மா!!!!

2009-02-14T19:37:00.006+08:00

ஜாதியில்லை மதமுமில்லையென்று
யார் சொன்னது?
உன் காதலுக்கு
ஜாதியுமுண்டு மதமுமுண்டு
இதயம் மட்டுமில்லை!!
காரணம் நீ
கண்களைத் தந்து
இதயத்தை
வாங்கிக் கொண்டவன்...!!!

-->>@@@இராஜேஸ் அக்காவுக்காக@@@>>--

என் உளறலையெல்லாம் கவிதையென்று நம்பும் பதிவுலக நண்பர்களுக்கு இனிய அன்பர் தின வாழ்த்துகள் :-)

மௌனமும் காதல்தான்

2009-02-14T17:42:00.003+08:00

உன்னைவிட உன் மௌனம்
எனக்குப் பிடிக்கும்...
உன் மௌனங்களில்
உறைந்து வழிவது
என் காதல் அல்லவா?
மௌனங்கூட
காதல்தான்
உன்னில் அறிந்துக் கொண்டேன்
இப்போது!!!

நன்றி: சாகித்யா

உலகங்கள் யாவும் உன் அரசாங்கமே!!!

2009-02-08T16:01:00.015+08:00

தை மாதம் பூச நட்சத்திரத்தில் தைப்பூசத் திருவிழா இன்று உலகெங்கும் கொண்டாடப்படுகிறது. மலேசிய நாட்டின் புகழ்பெற்ற முருகனின் புண்ணிய தலங்களில் மூன்றாவதாக வருவது ஈப்போ கல்லுமலை, அருள்மிகு சுப்ரமணியர் ஆலயம். மலைகளிலையே வாசம் செய்யும் கந்தன் பக்தர்களின் அன்புக்கு மனமிறங்கி மலையடிவாரத்திலே அருள் பாலிக்கிறான். குனோங் செரோ மலை அடிவாரத்தில் இந்த கல்லுமலை அமைந்துள்ளது. இக்கோவிலுக்கு அருகிலேயே பழைய குகைக் கோவில் அமைந்துள்ளது. 1970களில் ஏற்பட்ட மலைச் சரிவுக்குப் பிறகு மலையடிவாரத்தில் புதிய கோவில் கட்டமைக்கப்பட்டது என்பது இங்கே குறிப்பிடத்தக்கதாகும். மலேசியாவின் பல மாநிலங்களில் இருந்து கல்லுமலை முருகனை தரிசிக்க பக்த கோடிகள் வருடா வருடம் வருகைப் புரிகின்றனர்.

இவ்வருடமும் குடும்பத்தினருடன் கல்லுமலை முருகனை தரிசிக்க சென்றிருந்தேன். முற்பகல் பதினொன்றை நெருங்கி விட்டது கோவிலை அடையும் போது. கார் நிறுத்த இடம் கிடைக்க சிரமமாயிருப்பினும் ஒரு வழியாய் காரை நிறுத்திவிட்டு கோவிலுக்குள் நுழைந்தோம். வழக்கமாய் அர்ச்சனை தட்டின் விலை 4 வெள்ளியாகும். இவ்வாண்டு ஆறு வெள்ளி. அர்ச்சனை சீட்டின் விலை மூன்று வெள்ளி. மற்ற மாநில கோவிலோடு ஒப்பிடும் போது இது மலிவாகும்.

கடந்த ஞாயிறு இக்கோவிலுக்கு சஷ்டிக்காக சென்றிருந்தப் போது சிட்டுக் குருவிகளின் சரணாலயமாய் இருந்தது. இன்று ஏனோ காணவில்லை. விரட்டி விட்டார்களோ என்னவோ? பிள்ளையார் மற்றும் அம்மன் பிரகாரத்தைப் புதுபித்துள்ளனர்.

கோவிலில் இவ்வாண்டும் மக்கள் நெரிசல் அதிகமாய் இருந்தது. உடல்நிலை சரியில்லாததால் மயங்கிவிடுவேனோ என்று கோவிலுக்குள் நுழைய கொஞ்சம் அச்சமாய் இருந்தது. ஆனாலும் அவன் மேல் பாரத்தை போட்டுவிட்டு அர்ச்சனைத் தட்டோடு வரிசையில் கிட்டதட்ட 1 மணி நேரம் நிற்க வேண்டியிருந்தது. ஆனாலும் அவ்வளவு நெரிசலிலும் மயக்கம் வரவில்லை. :-) கால் கடுக்க காத்திருந்தாலும் முருகனை நிம்மதியாய் நீண்ட நேரம் தரிசிக்க முடிந்தது. அர்ச்சனையும் தரிசனமும் முடிந்து கோவிலை சுற்றிக் கொண்டு ஒரு வழியாய் வெளியேறினோம்.

ஈப்போ கல்லுமலை தைப்பூசத் திருவிழா நேற்றுத் தொடங்கி நாளை வரை தொடரும். புந்தோங் மாரியம்மன் கோவிலில் இருந்துப் புறப்பட்ட முருகனின் இரதம் கல்லுமலையை அடைந்துவிட்டது. அதைத் தொடர்ந்து நள்ளிரவு பன்னிரெண்டு மணிக்குத் தொடங்கிய பாலாபிஷேகம் காலையில் முடிவுற்றது. சில சமயம் முருகனுக்கு அதிகாலையில் இப்படி பால் அபிஷேகம் செய்யும் போது பாவம் அவனுக்கு குளிராதா என்று நினைத்துக் கொள்வேன். குளிர வைக்கத்தானே இந்த அபிஷேகமே :-) இவ்வருடம் நான் பால் குடம் எடுக்கவில்லை. அது நிறைய வருத்தம்தான் ஆனாலும் அம்மாவின் கட்டளையை மீற முடியவில்லை. அடுத்த வருடம் அவசியம் எடுக்க வேண்டும். கல்லுமலை தைப்பூசத்தின் சிறப்பே பால் குடம் எடுப்பதுதான். கிட்டதட்ட 1இல் இருந்து 2 கிலோ மீட்டர் வரையிலும் பக்தர்கள் வரிசைப் பிடித்து அமைதியாய் காத்திருப்பது பார்ப்பதற்கே அழகாய் இருக்கும். பெரும்பாலும் இளம்பெண்களே அதிகமாய் பால்குடம் எடுக்கின்றனர். முக்கியமாய் பள்ளி மாணவர்கள்.

கோவிலுக்கு வெளியே காவடிகளை பார்த்து இரசித்துக் கொண்டிருக்கும் போது பயங்கரமான தோற்றத்தோடு நான்கைந்து இளைஞர்கள் சாட்டையோடும் சூலத்தோடும் மருள் வந்து ஆடிக் கொண்டிருந்தனர். தங்களுடைய நேர்த்திக் கடனை நிறைவேற்றிக் கொள்ள முருகன் இம்மாதிரி கேட்கவில்லையே. ஏன் சமயம் என்ற போர்வையில் இப்படி நடந்துக் கொள்கின்றனரோ புரியவில்லை. அதிலும் கோவில் அருகில் அவர்கள் ஆடிய ஆட்டம். உண்மையில் மருள் வந்து ஆடுகின்றனரா இல்லை சும்மாவே ஆடுகின்றனரா தெரியவில்லை. கோவில் நிர்வாகம் எவ்வளவோ அறிவுறுத்தியும் இப்படி நடந்துக் கொள்கின்றனர்?

நேற்றைய தனியார் தொலைக்காட்சியின் மலாய்ச்செய்தி அறிக்கையில் தற்போதைய தைப்பூசத் திருவிழா அதீதமாய் கொண்டாடப்படுவதாய் குறிப்பிட்டிருந்தது. உண்மைத்தான்... உலக மக்களை அதிகமாய் ஈர்க்கும் இந்தச் சமயப் பெருவிழா மற்ற இனத்தினருக்கு கேலிக் கூத்தாகிவிடக் கூடாதே என்ற ஐயம் எழுகிறது. இனி வரும் காலங்களிலாவது நம்மவர்கள் இதைக் கருத்தில் கொள்வார்களா?

உருவாய் அருவாய் உளதாய் இலதாய்
மருவாய் மலராய் மணியாய் ஒளியாய்
கருவாய் உயிராய் கதியாய் விதியாய்
குருவாய் வருவாய் அருள்வாய் குகனே!!!

சொல்ல மறந்தவை...

2009-02-07T12:04:00.007+08:00

காலம் நமக்குப் பணவியலை அறிவுறுத்தி வாழ்வியலை வசப்படுத்தினாலும் நிமிர்ந்து நின்று திணவுடன் சிரிக்கிறது தாய்மொழி. செந்தமிழும் நாப்பழக்கம் என்பது போல் நமக்கு பழக்கப்பட்டுப் பரிச்சயமானத் தமிழ்ச் சொற்கள் இன்றைய கால ஓட்டத்தில் களவுப் போய் விட்டதோ என்ற கலக்கத்தில் ஆழ்ந்திருக்கும் தருணத்தில் கவிதாவின் பார்வை நினைவெல்லாம் பக்கம் திரும்பி இருப்பது தாய் வீட்டு ஊஞ்சலில் சுகித்திருப்பதைப் போன்றப் பிரம்மையை ஏற்படுத்திச் செல்கிறது. ஊரோடு ஒன்றி வாழ்வதாய் எண்ணிக் கொண்டு தாய்மொழியை இழந்து வாழ்வியல் கட்டாயத்தை வசப்படுத்தி அதன் முன் கைக்கட்டிச் சேவகதனத்தில் ஆழ்ந்து கிடக்கும் போதெல்லாம்...
அடையாளம் காட்டப் பெற்றோர்களுக்குப் போதாமல் போனது ஞானம்...

தேம்பி அழுது தெய்வங்களைச் சாட்சிக்கு அழைத்தால் சபித்து விடும்போல் தெரிகிறது சமகாலத்து உறவுகள்........

(நன்றி : அக்கினி சுகுமார்)

வழக்கொழிந்த தமிழ்ச்சொற்கள் :-

சுழியம் - பூஜ்யம் (வடச்சொல்)
அகில்மணத்தி - அகர்பத்தி (வடச்சொல்)
கூற்றம் - எமன்
சலம் - தண்ணீர்
புரவி - குதிரை
சவுக்காரம் - Soap
புட்டாமாவு - Talcum Powder
திருநீறு - விபூதி

இந்தப் பதிவைத் தொடர அழைப்பது :-
என் உலகம் சுபாஷினி
அரங்கேற்றம் வேலன்
சென்ஷி - பதிவு போட மறுத்தாலோ மறந்தாலோ தண்டனை உண்டு.

அர்த்தமிழந்த வார்த்தைகள்

2009-01-01T01:12:00.012+08:00

உன்னைப் பார்த்த
வெட்கங்களோடு
உதடு கடிக்கின்றன
என்னில் விழிக்காத
சில செல்ல கனவுகள்!!!

கண்கள் ஏங்கித் தவித்து
தூவானமாய் விடைபெற்ற
கண்ணீர் கோடுகளில்
முற்றுப்பெற்ற மௌனங்களாய்
தடுமாறுகிறது ஓர் இதயம்!!!

தொலைத்தும் தொலையாமல்
அமிழ்ந்து போன
சில நினைவலைகள்

செல்லரித்த
கல்லறை பூக்களாய்
இன்று!!!

(இதுவரையிலும் கிறுக்கிய எழுத்து படிமங்களின் மீள்பார்வையிது. அர்த்தமிழந்த வார்த்தைகளாய் என்னில் புதைந்து ஓலமிடும் வார்த்தைகளின் அணிவகுப்பு இது. புதைந்துப் போன வார்த்தைகள் நீர்த்துப் போகாமல் பொறுக்கி இங்கு வரிசை மட்டுமே படுத்தியுள்ளேன்.)

மனம் நிறைந்த இனிய புத்தாண்டு வாழ்த்துகள்!!!

Gimme a Break :-)

2008-12-23T12:03:00.007+08:00

I feel this is the most right time for me to make change... I definitely need a break from everything rite now...I am tired to repeat the same thing again and again that has become the routine of my life. Err .. I rather want to go for vacation...meet new people. Maybe not. But I desperately want to restlah... I think this has been one of the most stressful month I ever had. I’m tired to work...reading…blogging ... etc!

Since, I have yet finished my annual leave... I'm taking off early! I'm excited about spending some time at home with my family.....and strictly no friends :-)....I may need a break oso from blogging for a while… Sorry if I didn’t respond to your comment(s)

P/s : Grrrrr... I’m too tired to even check the spelling...:-(

கடவுள்...காதல்...நாரதர்

2008-12-19T15:36:00.013+08:00

இவ்வளவு நாள் சுமந்த வலி... இன்னிக்கு கடைசியா அனுபவிச்சிடுறேன் நாளைக்கு வழக்கம்போல் உன் கூட சண்டை போட ஆரம்பிச்சிடுவேன் கோபப்படுவேன்

ஏதோ முன் ஜென்மத்துல நான் நிறைய புண்ணியம் செஞ்சுட்டேன்னு நினைக்குறேன் அதான் இந்த தடவை உங்கிட்ட மாட்டிக்கிட்டேன்

ஏன்...இனிமே இல்ல

அப்ப இனிமே சண்ட போட மாட்டீயா?

சந்தோஷம்தானே?

இல்ல சோகம் தான் நீ சண்டை போட்டாத்தான் எனக்கு சந்தோஷம் நீ கோவப்படலைன்னா எனக்கு அன்னிக்கு வேலை ஓடாது. ஆக நீ தாராளமா சண்டை போடலாம்.. கோவிசுக்கலாம்...கவிதை எழுதலாம்

தெரியலையே..என்னையே நான் இழந்துக் கொண்டிருக்கேன்

நான் அப்புறம் நிசமாவே உன்னை திட்டிடுவேன். உன்னோட சுயத்தை என்னிக்கும் இழக்க தேவையில்ல எனக்குத் தெரியும் நீ தைரியமான பொண்ணு...ஆனா உண்மைதான் எனக்கும் வலிக்குது என்னோட வலிதானே உனக்கும் இருக்கும்னு யோசிச்சா நீ சொல்றது சரிதான்னு தோணுது

நன்றி இந்த புரிதலுக்கு

அதுக்காக நீ அழுதா எனக்குப் பிடிக்காதே ரொம்ப அசிங்கமா இருக்குமே முகம்

நான் அழவே இல்ல ஒரு வேளை அழுதா மன பாரம் இறங்கிடுமோ என்னவோ

மனசுல பாரம் குறையும்னு நினைச்சு அழுதா ஓக்கே, ஆனா அதையே பாரமா தூக்கி சுமக்குறா மாதிரி இருந்தா கஷ்டம்

ம்ம்ம் வலி இருக்குது..ஆனா அழுகை வரல...ஏன் கவிதைக்கூட வரல

ஒரே ஒரு தடவ உன்னை லூசுன்னு திட்டிக்கட்டா

உண்மை அதானே

அதெல்லாம் இல்ல... நான் சும்மா கலாய்ச்சேன்

ஓ

ஆமாம் நீ மாத்திரம்தான் என்னைய கலாய்ப்பியா நானும் உன்னைக் கலாய்ப்பேன்

ம்ம் சொல்ல மறந்துட்டேன்...சாரி நேத்து தப்பா பேசிட்டேன் இல்லையா

நானே உங்கிட்ட சாரி கேக்கணும்னு நினைச்சேன் ச்சும்மா உன்னைக் கலாய்ச்சுட்டேன்...சாரி! அது ரொம்ப மனசு சரியில்ல...அதான் பீர் அடிக்கலாமுன்னு நெனைச்சு ஆனா அத உங்கிட்ட சொல்வான்னு எனக்குத் தெரியாது. எனக்கு வேற பயம் நீ ஏதாவது கோச்சுப்பீயோன்னு...கோபம்
இல்லியே

ம்ம் கோபம்தான் ஆனா அதுக்கு உரிமையில்லன்னு புரியாம்மா உன்னோட அனுமதியற்ற எல்லையை மீறிட்டேன்.. இனி இல்லை

அப்ப நான் இன்னிக்கு மறுபடி பீர் அடிக்கட்டுமா

அது உன் இஷ்டம்

கோச்சுட்டீயா?

எனக்கு எந்த வித கோபமும் இல்லை

எதுக்கு கோபம் இல்ல

அந்த பயணங்கள் முடிவதில்லை படத்துல்ல மோகன் பாடும் பாட்டு என்ன?

அந்த படத்துல எல்லா பாட்டையும் மோகன் தான் பாடுவாரு எந்த பாட்டு முதல் பாட்டா

இளைய நிலா பொழிகிறதே இதயம் வரை நனைகிறதே உலாப்போகும் மேகம் கனாக்காணுமே விழாக்காலமே வானமே வரும் வழியில் பனிமழையில் பருவ நிலா தினம் நனையும் முகிலெடுத்து முகம் துடைத்து விடியும் வரை நடை பழகும் வான வீதியில் வெள்ளி ஊர்வலம் போகும் போதிலே ஆறுதல் தரும் விண்வெளியில் விதைத்தது யார் நவமணிகள்

போதுமே!!!

எனக்கு இந்த பாட்டு மனப்பாடம் அதான் உடனே பாடிட்டேன்

உங்கிட்ட அந்தப் பாட்டு இருக்கா?

எது இந்த பாட்டா இல்ல ஆனா நெட்ல இருக்கும்ன்னு நினைக்குறேன்...
நான் கவிதை எழுதி இனிமே யாரையும் கஷ்டப்படுத்தக்கூடாதுன்னு முடிவு செஞ்சுட்டேன்

ஏன்?

நீயே எழுதாதப்ப நான்லாம் எந்த மூலைக்கு

எனக்கு .....ப்ப்ப்ச்ச்... கண் இமைகள் கைத்தட்டியே உன்னை மெல்ல அழைக்கிறதே...உன் செவியில் விழவில்லையா...உள்ளம் கொஞ்சம் வலிக்கிறதே - இந்த பாட்டுல்ல ரொம்ப பிடிச்ச வரி ஆனா எல்லா வரியும் பிடிக்கும்

உண்மையிலேயே நல்ல பாட்டு எனக்கும் ரொம்ப பிடிச்சுடுச்சு.. ஒரு கவிதை சொல்லேன்

என்னோடதா

இல்ல நீ படிச்ச உனக்கு ரொம்பவும் பிடிச்ச கவிதை சொல்லு

பிரிவு உன் நினைவுகளை
உருப்பெருக்கிக் காட்டுகையில்
சிறிதிலும் சிறிதாய்
சிறுத்துப் போகின்றன
உன் குற்றங்களும்
என் கோபங்களும்...

காயத்ரியோட கவிதையிது

உச்சரிக்க விரும்பா உதடுகள்
இப்போது மெளனம்
பேசப் பழகுகின்றன.
நினைவுகள் உரசிக் கொண்டதில்
மெதுவாய் வெந்து தணிகிறது காடு.... இதுவும் காயத்ரியோடதுதான்

நான் பெரிய தப்பு பண்ணியிருக்கேன்... உன்னிடம் பேசியது நீ யாருன்னே தெரியாமல் இப்போ என்கிட்ட மாட்டிக்கிட்ட

இப்ப தெரிஞ்சுடுச்சுல்ல இனி பேசாதே

ம்ம்ம்... இன்றிரவு துயர்மிகு வரிகளை நான் கூட எழுதலாம்

ஆனா நான் கமெண்ட் பண்ணமாட்டேன்

ஏன்...என்னாச்சு?

ஏன்...நீ கூடத்தான் என்னோட துயர்மிகு வரிகள்ல பங்கெடுத்துக்கல

ரெண்டு ஏனுக்கும் ஏழு வித்தியாசமிருக்கு

ஹா ஹா ஹா

ம்ம்ம்... அது...அப்போ நான் ரொம்பவும் உடைஞ்சு போயிருந்தேன்

ஆமா நாங்க பயங்கர ஸ்டடியா டான்ஸ் ஆடிட்டு சந்தோஷமா இருந்தோம்
நீ உண்மையிலேயே நான் உன்னை காதலிப்பேன்னு எதிர்ப்பார்க்கலையா??

இருக்கக்கூடாதுன்னு வேண்டிக்கிட்டேன் ஆனா நினைக்கிறது என்னிக்கு நடந்திருக்கு பிடிச்ச பழைய பாட்டு ஒன்னு இருக்கு நினைப்பதெல்லாம் நடந்துவிட்டால் தெய்வம் ஏதுமில்லை

சரி நம்ம சந்தோஷத்துக்காக என்னால ஒண்ணுதான் செய்ய முடியும் ஒன்னு நீ என்கிட்ட பேசாம இருக்கணும் இல்ல நான் உன் கூட பேசாம இருக்கணும்

ம்ம்ம்ம்

எனக்கும் ரொம்ப கஷ்டம்தான்

முடியுமா???

தெரியல

இந்த ஒரு நாளில் முடிஞ்சதா?

சும்மா மத்தவங்ககிட்ட நீ வந்தியா.. வந்துட்டு போயிட்டீயான்னு கேக்க முடியல... கஷ்டமா இருக்குது... இல்ல முடியல.. எவ்வளவோ டிரை செஞ்சேன் உன் கூட பேசாம இருக்க சத்தியமா முடியல... உனக்கு என்னை பிடிக்கலையா? விரும்பலையா?

நீ கொஞ்சம் நல்லவன்

ஜோக் வேணா சீரியசா சொல்லு

என்ன?

பிரிஞ்சுடலாம்ன்னு சொல்றதுக்கு கூட தப்பா தோணுது

எனக்கு உன்ன ரொம்ப பிடிக்கும்... அம்மாவை உனக்குப் பிடிக்காதா..நீயும் அந்த மாதிரிதான் எனக்கு அதனாலத்தான் சண்டைப் போடுறேன்..வம்பிழுக்கிறேன்..

ஒத்துக்கறேன்...ஆனா நான் உன் கூட வாழ விரும்பறேன்... கல்யாணம் செஞ்சுக்கிட்டு

ப்ளீஸ் இந்த பேச்சு வேண்டாமே

நமக்குள்ள நிறைய வித்தியாசம் இருக்குது!!!
இல்ல பிரிஞ்சுடுவோம்ன்னு சொல்றதுக்கும் முடியல பின்ன ஏன்?

அன்னிக்கு நீ சொன்னப்ப நான் கொஞ்ச நேரம் சைலண்ட்டா ஆகிட்டேன் தெரியுமா..நீ போன பிறகு அழுதேன்..சத்தியமா... நான் உன் கிட்ட ஏதாவது தப்பா பழகிட்டேன்னோன்னு குற்ற உணர்ச்சி

அப்ப என்னை பிடிக்கலைன்னு நான் எடுத்துக்கட்டா

ப்ளீஸ்...

நான் தான் தப்பா நினைச்சுட்டு இருந்தேன்னு நினைச்சுக்கறேன் உண்மையிலேயே என்னால தூங்க முடியல...சாப்பிட பிடிக்கல ஏன் உங்கிட்ட பழகுனேனோன்னு தோண வைக்குது... உன் மேல தப்பில்ல நானா ஏற்படுத்திக்கிட்ட சூழல்தான் இது

எனக்குத் தெரியாமலே இருக்கட்டுமே...

நான் அனுபவிக்கிறேன்... அவ்வளவுதான்

ம்ம்ம் கொஞ்ச நாள் போனா பழகிடும்

கடைசி வரைக்கும் நான் சொல்லக்கூடாதுன்னுதான் நினைச்சுட்டு இருந்தேன்
ஆனா முடியல நானே அந்த சந்தர்ப்பத்தை எதிர்பார்க்கல... சொல்லிட்டேன்
நீ உன் விருப்பத்தை சொல்லிட்ட... விட்டுருக்கலாம்... அத்தோட முடியல இன்னிக்குப்பூரா உங்கிட்ட பேசக்கூடாதுன்னு உட்கார்ந்திருந்தேன்... மத்தவங்க கிட்டத்தான் பேசிட்டு இருந்தேன்

தெரியும்!!! நானும் பேசக்கூடாதுன்னுதான் நினைச்சேன்

ஆனாலும் முடியல...தெரியல என்னோட கோபம், பிடிவாதம் எங்க போச்சுன்னு தெரியல

என்ன சொல்றதுன்னு தெரியல்ல

உண்மையிலேயே என்னை விரும்பலையா.. இல்ல சமூகத்த நினைச்சு மாட்டேன்னு சொல்றீயா.. நான் இந்து, நீ கிறிஸ்டியன்னு..அப்படி பாத்தா உன்னோட பிரண்டு இந்து கிறிஸ்டியனை கல்யாணம் செஞ்சுக்கலையா?

அவளோடது லவ் மேரேஜ்

நான் உன்னை ரொம்ப முன்னாடியே விரும்ப ஆரம்பிச்சுட்டேன். நான் உன்னை காதலிச்சுடக்கூடாதுன்னு கூட கட்டுப்பாடு விதிச்சுட்டு இருந்தேன் ஆனா மனசு கேக்கல நாம ரெண்டு பேரும் கண்டிப்பா சேர முடியாதுன்னா எதுக்கு வேஷம் போடனும் சும்மா...முடியாதா முடியாது ஓக்கே பை அவ்ளோதான்

மனசுக்கு முக்கியம் கொடுத்து வாழ்க்கையை தொலைச்சிடாத அதிலும் நாம்ம கடைசியா சந்திக்கிறோம்... ஏன் அவ்வளவு சீக்கிரமா போகணும் அப்புறம் நீயே விருப்பப் பட்டாலும் இது நேராது

எனக்கு டிரான்ஸ்ஃபர் கிடைச்சிடுச்சு... சொந்த ஊருக்கே போறேன்.. போறத்துக்கு முன்னாடி உன்னை கடைசியா பார்க்கனுமுன்னு தோணிச்சு... அதான் உனக்குப் பிடிச்ச காப்பி ஷாப்புக்கு கூப்பிட்டேன் ஆனா உங்கிட்ட இருந்து எஸ்.எம்.எஸ்ஸையேக் காணோம்

அப்ப நாளையிலிருந்து என்கிட்ட சண்டைப் போடுவேன்னு சொன்னது பொய்தானா? என் மனசு மாறுமான்னு தெரியல.. மாறனுங்கற அவசியமும் இல்ல இப்படியே இருந்துடலாமுன்னு தோணுது இது என்னோட வாழ்க்கைன்னு முடிவானப்பிறகு என்னோட முடிவாத்தான் இருக்கும்

மாறுவது மனம்... உனக்கான ஒருத்தி ஏற்கனவே எங்கேயோ பிறந்து உனக்காக காத்திருக்கா..நீதான் இனி அவளை தேடிக் கண்டுப்பிடிக்கனும்

அவ கிடைக்காம போயிட்டான்னு நினைச்சுக்கறேன்...
அது நீதான்னு என் மனசு சொல்லுது அது தப்பா சொல்லாது

உனக்கும் எனக்கும் நிறைய வேறுபாடு... இன்னிக்கு இல்லாட்டியும் நாளைக்கு யாரையாவது நான் கல்யாணம் பண்ணிக்கத்தான் போறேன்.. இன்ஃபாக்ட் என் வீட்லயும் மாப்பிள்ளை பார்க்க ஆரம்பிச்சுடாங்க... ஆனா நீ மட்டும் இப்படியே இருந்திடக் கூடாது!!!

உனக்கு என் வாழ்த்துக்கள்.. அன்பான அழகான உன் மனசுக்கு பிடிச்ச கணவர் வரணுங்கறது என்னோட சாபம்.. அவருக்கு உன் கவிதைகள் ரொம்ப பிடிச்சுருக்கணும் உன்னை பாராட்டணும். உங்கூட அன்பா இருக்கணும்
அது போதும்... நிறைய்ய குழந்தைங்க பொறந்து நல்லா வளர்த்து நல்லா படிக்க வை...

ஏன் கிழவன் மாதிரி பேசுற

இனிமேல் நாம ஒருத்தருக்கொருத்தர் சந்திச்சுக்கப்போறதில்ல
இது என்னோட உனக்கான கல்யாண வாழ்த்தாவும் இருக்கட்டும்

ம்ம் சரி நான் கிளம்பட்டா

நான் நிறைய கவிதை எழுதுவேன் நீ கமெண்ட் போடக்கூடாது... அதை பாராட்டக்கூடாது

ம்ம்ம்... ஆனா நான் கண்டிப்பா படிப்பேன்

ம்ம்ம்... படிக்கணும் ஆனா கமெண்ட்ஸ் வேண்டாம்... நானும் உன்னோடது படிப்பேன்

இனி நான் எழுதப் போறதில்ல

ஏன்??? சரி உன் இஷ்டம்.. ரொம்பவும் கஷ்டமா இருந்தா கொஞ்சம் பிரேக் எடுத்துக்கோ... ஆனா எழுதாம்ம இருக்காத

பார்க்கலாம்... கடைசியா ஒன்னு சொல்ல விரும்புறேன்

ம்ம்ம்

எனக்கு நிச்சயிக்கப்பட்ட நண்பன் நீ... என் மனசுக்கும் ரொம்ப பிடிச்ச நண்பனும் நீ!!!

நான் அந்த தகுதிய இழந்துட்டேன்னு தோணுது

சந்தோஷமா இரு... நான் வேண்டிப்பேன்..உனக்காக எப்போதும்... பை

உனக்கான என் நேசம் என்னிலேயே புதைந்து போகட்டும்..
பை... வில் மிஸ் யூ!!! டேக் கேர்

@@@@@@@@@@@@@@@@@@@@@@@@@@@@@@@@@@@@@@@@@@@

இவர்களின் உரையாடலை வெகு தொலைவிலிருந்து பார்த்துக் கொண்டிருந்த கடவுள் நாரதரிடம், " காதல் என்ன அவ்வளவு கொடுமையானதா நாரதா?"

"அதை சிருஷ்டித்தவரே கேட்பதுதான் கொடுமை"

"அவள் இதயத்தில் அவனுக்கான காதலை விதைத்திருக்கலாம் என்று தோன்றுகிறது"

நாரதர் பேசவில்லை புன்னகை மட்டுமே பதிலாய்!!!

உன் புன்னகை போதும்

2008-12-19T00:20:00.010+08:00

ஓர் அதிகாலையில் அவசரமாய்
ஓடி வந்து என்னில்
பற்றிக் கொண்டது
உன் புன்னகை...

நாளெல்லாம் எனைத்
தொலைத்தும்

தொலையாமலே

காலைச் சுற்றும்

பூனைக்குட்டியாய்
வீடும் வந்து
சேர்கிறது...

இப்போது என் தனிமையிலும்
துணையாய் சேர்ந்திருக்கப்
பழகிக் கொண்டது
நீ அனுப்பி வைக்கும்
புன்னகை...!!!

Thanks : Pino Daeni

கனாக் கண்டேன் தோழி!!!

2008-12-16T21:28:00.012+08:00

அதிகாலை சோம்பல்
முறித்து வெளி வாசலில்
காத்திருக்கிறாய்
நான் கோலமிட
வருவேன் என்று!!!
நானோ வீட்டினுள்ளேயே
கோலமிட்டு கொள்கிறேன்
உன்னைப் பார்த்த வெட்கங்களோடு!!!

முன் பனி இரவில்
என் வீட்டு
வாசலில்
நீ வரைந்துச்
சென்ற கோலத்தில்
தோற்றத்து
என் பெண்மை!!!

சேலையைக்
கண்டாலே
சிணுங்குபவள்
அதிகாலையிலேயே
சேலையோடு
போர் புரிகிறேன்
நீ ஒருவன்

பார்க்க வேண்டுமென்று!!!

நீ அழகா
நீ வரைந்து வைத்த
கோலங்கள் அழகா என்று
உன் கேலியாலே
என் கோபங்களை
திருடிக் கொள்கிறாயே
ம்ம்ம் அப்புறம் நான்
எங்கேடா கோபித்துக்
கொள்வது...!!!

எனக்கு இந்த
மார்கழியைவிட
‘தை’ மாதம்தான்
பிடித்திருக்கு
என்றாய் வெகு
யோசனையாய்...
தெரியுமே பொங்கலுக்காக
என்றேன் குறும்பாய்
ம்ம்ம்...அதையும் விட
தித்திப்பாய்
நீயிருப்பாயே
என் கூட என்றாய்
கண்ணில் காதலாய்
அன்றிலிருந்து
நானும் எண்ணுகிறேன்

தினசரி நாட்களை!!!

திருமண நாள்

2008-12-12T14:36:00.010+08:00

இன்று காலை 6.30க்கு கைப்பேசி தன்னுடைய அன்றாட கடமையாய் ‘சஷ்டி கவசத்தை’ ஒலிப்பரப்பவும்... வழக்கம்போலவே கம்ஃபோட்டரை இழுத்துப் போர்த்திக் கொள்ள கைகள் எத்தணித்தது... ஆனாலும் இன்றைக்கு அலுவலகத்துக்கான சுடிதாரை ‘அயர்ன்’ செய்யவில்லையே என்ற நினைவு அநியாயமாய் வந்து துன்புறுத்த... எரிச்சலோடு முன்னறைக்கு எழுந்து வரவும்...பக்கத்து வீட்டில் பேரிரைச்சல்.. இது எனக்குப் பழகிப் போனதுதான் இந்த இரண்டு ஆண்டுகளாய்..ஆனாலும் இந்தக் காலைப் பொழுதில் கொஞ்சம் அலுப்பாகவும் இருந்தது.

எனக்குத் தெரிந்து என் பக்கத்து வீட்டுக்காரர் மெதுவாகவே பேசிக் கேட்டதில்லை.. கத்திக் கொண்டேத்தான் இருப்பார் மனைவியிடமும் சரி பிள்ளைகளிடமும் சரி... என் தம்பிக்கூட இவருக்கு மெதுவாக பேசவே முடியாதா அக்கா என்று என்னிடம் பலமுறை எரிச்சல் பட்டிருக்கிறான். சில சமயம் “நான் போய் அவருகிட்ட சொல்லப் போறேன், மெதுவா பேசுய்யான்னு” என்று மிரட்டியும் இருக்கிறான். எனக்கு இது ஏற்கனவே பழகிப் போயிருந்ததால் “விடு..எப்படியோ அவருக்குத்தானே பிரஷர் வரப்போகுது” என்று சமாதானப் படுத்த வேண்டியிருக்கும். ஆனால் இன்று காலையில் அவர் மனைவியிடம் சண்டைப் போட்டதற்கான காரணம் ரொம்பவே அல்பமான விசயம். இது எனக்கு எப்படி தெரியுமுன்னா? அதான் முன்னமே சொன்னேன்னே..அவர் பேச மாட்டார் கத்துவார் என்று...

காலையில் அவர் 6.30க்கு வேலைக்குக் கிளம்பும் போது அவர் மனைவி அவருக்குப் பால் கலந்து கொடுக்கவில்லையாம். பாலூத்தாம்ம... விட்டாங்களே மகராசி அதுக்காகவேணும் அவர் அவங்களுக்கு கோயில் கட்டணும்.நான்கூட அயர்ன் பண்ணி முடிச்சிட்டேன் ஆனா அவர் அந்த பால் பல்லவியை விடவேயில்லை..கிட்டதட்ட 20 நிமிடங்கள். எனக்குத் தெரிந்து அவர் மனைவியும் வெளியில் சென்று வேலை பார்ப்பவர்தான்.. ஏதோ மறதி....அல்லது களைப்பு என்று விட்டிருக்கலாம். ஆனா அவர் மனைவியை திட்ட பயன்படுத்திய வார்த்தைகள்தான்... எனக்கும் ரொம்ப நாளாகவே சந்தேகம்தான் இந்த மனுஷன் என்ன ‘சைக்கோ’வா என்று இன்று அது உறுதியாகிடுச்சு. அவர் மகன் வந்து சமாதானப் படுத்தியும் ம்ஹூம் சமாதானமாகவேயில்ல.. எப்படித்தான் அவர் மனைவி அவரோடு ஒத்துப் போறாங்களோ? இத்தனைக்கும் அவங்க அவருக்கு இரண்டாம் தாரம். இவரோட ‘டோச்சர்’ தாங்க முடியாமலே இவருடைய முதல் மனைவி இவரை விட்டு எஸ்ஸாகியிருக்கணும் என்பது என்னுடைய கணிப்பு.

அழகான காலையில் யாராவது மனைவிக்கிட்ட இப்படி சண்டைப் போட்டுட்டு வேலைக்கு கிளம்புவாங்களா? அதுவும் பால் பெறாத விசயத்து..ஆஹா இன்னிக்கு எஸ்கேப்...ன்னு சந்தோஷப்பட்டிருக்க வேண்டாமா? எங்க வீட்டில் அம்மாவுக்கு உடம்பு சரியில்லன்னா அப்பாவே தனக்கு சொந்தமா தேநீர் கலந்துக் கொள்வார். அவருக்கு என் மேல் அவ்வளவு பாசம்....சரி...பயம். :-P சில சமயம் தம்பி அதிகாலையில் 3.00 மணிக்கு வெளியூர் வேலைக்கு செல்ல வேண்டியிருந்தால்..அவனுக்கும் அப்பாவே காப்பி கலந்தும் கொடுப்பார். இவ்வளவுக்கு வீட்டில் நான்..அக்கா இருந்தும். :-) சில சமயம் அம்மாவை தள்ளி நிறுத்தி வைத்திட்டு அப்பா சமைப்பார்.. அதுவும் நல்லாயிருக்கும்..

இன்றைக்குக் காலையில் வெகு நேரம் இதுப் பத்தியே யோசனை ஓடிக்கிட்டு இருந்தது. என்னால் அப்படி அந்த பக்கத்து வீட்டு ஆன்ட்டி மாதிரி பொருத்துப் போக முடியுமா என்று... ம்ஹூம் அதுக்குச் சான்ஸே இல்ல.. வேணும்னா சூடான பாலை கொண்டு வந்து அவர் தலையில் கொட்டியிருப்பேன். :-P கற்பனைப் பண்ணிப் பார்த்துச் சிரிச்சுட்டேன். பின்ன என்னங்க தொட்டதுக்கெல்லாம் சண்டைப்பிடிச்சா.. ஊடல்கூட காதல்தான் தாம்பத்யத்தில்.. ஆனா இது ரொம்பவே ஓவரு.. எனக்கெல்லாம் அந்தளவுக்கு சகிப்புத்தன்மை கிடையாது.

சரி அதெல்லாம் இருக்கட்டும் நீ எதுக்கு புலம்பறன்னு கேட்டீங்கன்னா... இன்றைக்கு அம்மா.. அப்பாவின் திருமண நாள். இந்தச் சமயத்தில் அவங்களுக்காக பிராத்தித்துக் கொள்கிறேன். வாழ்த்த வயசில்லையே!!!

மனம் நிறைந்த திருமண நாள் வாழ்த்துகள் அம்மா..அப்பா..!!!

அன்பில்லாத உனக்கு!!!

2008-12-12T08:34:00.008+08:00

அப்படித்தான் அழைக்கத்
தோன்றுகிறது உன்னை...

எனக்குள் வன்முறையத் தூவிச்
சென்றாய் அன்று எதுவுமே
சொல்லாமலே...

இன்றோ என்னை
சந்தோஷிக்க விரும்புகிறாய் நட்பாய்...

இருந்தும் உனக்குத்
தெரியாமலே
உனக்கு முன்பே நான்
வாழ ஆரம்பித்து விட்டேன்...

தினமும் மழையில்
நனைகிறேன்...

இளையராஜாவோடு காற்றில்
மிதக்கிறேன்...

தோழியோடு சேர்ந்துச் சிரிக்கிறேன்...

இதுவரை பார்க்காத படங்களையெல்லாம்
விரும்பிப் பார்க்கிறேன்...

ம்ம்ம்ம்...

ஆயினும் இதுவரை
இன்றுவரை நிகழாத
சாத்தியக்கூறுகள்தான் அவை...

தனிமைகூட என்னிடம்
தனித்துத்தான் நிற்கிறது!!!

அன்று தனிமையில் என்னிடம் நீ சொல்லி வைத்த
வார்த்தைகள்....

"என்னைக் கிள்ளி உன்னை அழ வைப்பேன்"

பிரிவுகள் சாஸ்வதமல்ல... ஏன் நீ...நான்... யாருமே

"அன்பின் அர்த்தங்கள் சில நேரங்களில் பிரிதலிலும் இருக்கக்கூடும்" - கவிதாயினி

பி.கு: அன்பின் பதிவுலக மக்கட்கு, இது கவுஜ, கவிதை என்று நான் வகைப்படுத்தவில்லை :-P அதனால் தைரியமா நீங்க கும்மி அடிக்கலாம் :-)

எதிர்பார்க்கவில்லை நான் :-(

2008-12-03T22:38:00.003+08:00

நீ எழுதும் எல்லா
கவிதைகளும் எனக்காகவே
இது உணரலா
இல்லை உளறலா?

துளிர்க்கவில்லை

2008-11-30T00:00:00.006+08:00

தொலைதூரம் தொலைந்துப்
போனேன் மேகமாய்

நீயும் வந்து
நெஞ்சில் சாரலடித்தாய்

உன்னருகே நெருங்கும்
நேரம் தீக்கங்காய்
மாறியேனோ உயிர்
எரித்தாய்

மேகமென்று உருகாமல்
தீயென்று காயாமல்
சருகாகி உதிர்கிறேன்
உன் நினைவாலே

சருகுகள் முளைக்கலாம்
நீயும் வந்தால்
நாளை மழை வரும்
வானிலையும் மாறுகிறது
சில நாட்களாய்
நான் மட்டும் ஏனோ

இன்னும் துளிர்க்கவில்லை!!!

அன்புள்ள அப்பாவிற்கு

2008-11-25T21:29:00.006+08:00

அன்புள்ள அப்பாவிற்கு...

வெகு சில காலமாய் உங்களுக்கும் எனக்கும் நீண்ட இடைவெளி விழுந்துவிட்டது போல் உணர்கிறேன். ஏதோ இரும்புத் திரைக்கொண்டு உங்கள் அன்பை பூட்டி வைத்துக் கொண்டது போல் தோன்றுகிறது... காரணம் உங்களுடைய வயதின் முதிர்ச்சியா...அல்லது நான் பெரியவளாய் வளர்ந்து விட்டதாய் தோன்றும் எண்ணமா...தெரியவில்லை ஆனால் மனதளவில் இன்னமும் நான் முதிர்ச்சியடையவில்லையோ?

அப்பா... நீங்கள் எங்களோடு சிரித்துப் பேசி நீண்ட நாளாகிறது... இப்போதெல்லாம் கோபம் மட்டுமே உங்களுக்கு உறவாகிவிட்டது... என்ன காரணமென்று புரிந்துக் கொள்ள நானும் முயன்றதில்லை... நீங்களும் சொல்லியதில்லை. அப்பா... ஒரு மாத இடைவெளிக்குப் பிறகு கடந்த வெள்ளிக்கிழமை வீட்டிற்கு வந்திருந்தப் பொழுது எப்போழுதோ நான் தெரியாமல் செய்த சின்னத் தவறுக்காக நீங்கள் திட்டியது இன்னமும் மறக்கவில்லை. அந்த கோபத்தில் வீட்டிலிருந்த அந்த இரண்டு நாட்களும் பிடிவாதமாய் சாப்பிட மறுத்தது... இப்போது நினைத்தால் இன்னும் நான் சிறுப்பிள்ளையாகவே இருப்பது போல் தோன்றுகிறது. ஆனாலும் அம்மாவின் கோபத்தை தாங்கிக் கொள்ளும் பக்குவம் உங்கள் கோபத்தில் காணாமல் போய் விடுகிறது.

உங்களிடம் கோபப்பட எனக்கு உரிமையிருக்கிறதா என்று யோசிக்கையில் எல்லா கோபங்களும் இருந்த இடம் தெரியாமலே ஓடி விடுகிறது. உங்களுக்கும் எனக்கும் நிச்சயமாய் ஏதோ பூர்வ ஜென்ம பந்தமிருக்கு. நம் உறவு ரொம்பவும் வித்தியாசமானது புரியாதவர்களுக்கு... புரிந்தவர்களுக்கு மிகவும் புனிதமானது...

எனக்கு அப்படித்தான் அப்பா தோன்றுகிறது. அப்பா நீங்கள்தான் எவ்வளவு புனிதர். எவ்வித இரத்த உறவுமில்லாத என்னை இவ்வளவு காலமும் எந்த வித பிரதி பலனும் பாராமல் மகளாய் வளர்த்து ஆளாக்கிவிட்டிருக்கிறீர்கள். என் வரையில் நீங்கள் one in a million. ம்ம்ம் இப்போது கூட நினைவு வருகிறது 19.03.2008 என்னுடைய பெயரில் பின் பாதியை உரிமையாய் கொண்டவர் இவ்வுலகத்தை விட்டு நிரந்தரமாய் விடைப்பெற்ற நாள். ஆனாலும் எனக்கு அழத் தோன்றவில்லை.... காரணம் நான் மனசாட்சியற்றவள் என்பதால் அல்ல மனது முழுவதுமே வெறுப்பு மட்டுமே மண்டிவிட்டதால். ஆனால் உயிரோடு இல்லாத ஒருவர் மீது வெறுப்பு பாராட்டுவது மூடத்தனமாய்தான் தோன்றுகிறது.

மூன்று மாதம் கூட நிரம்பியிராத கைக்குழந்தையை உங்களிடமும் அம்மாவிடமும் கொடுத்து விட்டுச் சென்றவர் மீது எப்படி பாசம் வரும்.? அவருக்காக பரிந்து பேசும் அம்மாவிடமும் எத்தனை முறை சண்டையிட்டு இருக்கிறேன்... காரணம் உங்களைத் தவிர வேறு யாரையும் இந்தப் பிறவியில் தந்தையாக ஏற்றுக் கொள்ள முடியாது என்பதே. அப்பா இதற்காக நான் எப்போதுமே வருத்தப்பட்டதே கிடையாது... காரணம் நான் எப்போதுமே உங்கள் மகள் என்பதில் எவ்வித மாற்றமும் இல்லை. ஆனாலும் கடவுளுக்கு சின்னதாய் வேண்டுகோள் அடுத்தப் பிறவியிலாவது உங்கள் மகளாய் பிறக்க வேண்டும் என்று.

சின்ன வயதிலிருந்தே மற்றவர்களைவிட எனக்கு அதிகமான சுதந்திரம் தந்தே வளர்த்துவிட்டீர்கள்... அதுவே இப்போது உங்களுக்கு தொல்லையாகவும் மாறிவிட்டது.. அப்பா உங்கள் வீட்டுப் பறவைக்கு சிறகு முளைத்து விட்டது... அது இப்போது தனியே பறக்கத் துடிக்குது...

அன்றைக்கு வீட்டை விட்டுக் கிளம்பும்போது அம்மாவிடம் இனி வீட்டிற்கு வரவே மாட்டேன் என்று உங்கள் மீதுள்ள கோபத்தில் அம்மாவை காயப்படுத்தி வந்ததை நினைத்தால் வருத்தமாக இருக்கிறது. அப்பா இன்று ஒரு படம் பார்த்தேன்.. வாரணம் ஆயிரம்.. அப்பா மகன் பாச உணர்வை மிகவும் அழகாய் வெளிப்படுத்தியிருந்த படம். அந்தப் படம் முடிவடையும் வரை உங்கள் நினைவிலேயே நிறைந்திருந்தேன். உண்மையில் உங்கள் அன்பும் அந்த ஆயிரம் யானைகளைப் போல வலிமையானதுதான். இப்போது உங்கள் மீது இருந்த எல்லா கோபமும் வந்த இடம் தெரியாமல் போய்விட்டது. சாரிப்பா எனக்குள் இருக்கும் மன உளைச்சலில் உங்களிடம் அந்த இரண்டு நாளாய் பாராமுகமாய் இருந்ததை நினைத்தால் வலிக்கிறது. என்னையும் காயப்படுத்திக்கொண்டு உங்களையும் காயப்படுத்தியதை நினைத்தால் என் மீதே கோபம் வருகிறது. அப்பா நாம் இதுவரை மனம் விட்டு பேசியதில்லையென்றாலும் உங்களை புரிந்துக் கொண்டதாய்தான் இது வரை நினைத்திருந்தேன் ஆனால் இல்லையென்று இப்போது நிச்சயமாய் தெரிகிறது. இதற்காக உங்களிடம் மன்னிப்பு கேட்க சுய மரியாதை தடைப்போட்டாலும் மானசீகமா இந்த திறந்த மடல் வழி தங்களின் மன்னிப்பைக் கோருகிறேன். அப்பா தூரம் நம்மை பிரித்தாலும் உங்கள் இருவரின் ஆயுளுக்காக எப்போதும் பிராத்தித்துக் கொண்டிருப்பேன்...

அப்பா எவ்வளவோ சொல்ல நினைத்தாலும் எதுவுமே சொல்ல முடியாமல் உணர்வுகள் தடுமாறினாலும் நான் எப்போதுமே உங்கள் மகளாய் வாழவே விரும்புகிறேன்...

கடவுள் பூமிக்கு வருவதில்லை
ஏன் தெரியுமா?
அவருக்குப் பதில்தான்
உங்களை அனுப்பியுள்ளாரே
அப்பா நீங்கள் அந்தக்
கடவுளுக்கும் அப்பாற்பட்டவர் :-)

நியூட்டனும் நீயும் - முதலாம் விதி

2008-11-20T10:36:00.008+08:00

துயரத்தை விழுங்கும்
உன் இறுதிப் பார்வையில்
கசிந்து உருகி
தடமாறுகிறது

ஓர் இதயம்!!!

சீக்கிரம் வருவாயா?

2008-11-17T14:03:00.002+08:00

எங்கேடா போய் தொலைந்தாய்

இவ்வளவு நாளாய்....

உன்னைத் தொலைத்து தேடி

தவித்தது போதும்

சீக்கிரம் வா...

உன்னிடம் சொல்ல இரண்டாயிரமிருக்கு

உனக்கு பிடிக்குமென்று

மருதாணி கையில் இட்டது

உன்னுடைய நினைவில்

காரை சுவற்றில் இடித்தது

உனக்குப் பிடித்தப் பாடல்

தினமும் சுப்ரபாதமானது

இப்போதெல்லாம் அம்மாவிடம்

சண்டை போடாதது

மழையில் நனைய

ஏங்கிக் கொண்டே

குடையும் பிடிப்பது

கையைச் சுடாமலே

சமையல் செய்வது

இன்னும் ஓராயிரம் காரணமிருக்கு

உன்னிடம் சொல்ல :-)

இதற்காகவேனும் சீக்கிரம் வருவாயா?

இந்தக் கவிதையும் முற்றுப்பெறவில்லை!!!!

2008-11-16T16:33:00.006+08:00

என்றாவது எப்போதாவது
உன்னைப் பற்றிய
நினைவுகள் பேராழியாய்
அலைக்கழித்துச் சென்றாலும்
அள்ளித் தெளித்த

அவசர கோலமாய்
உன் மௌனத்தையும்

மிஞ்சி நிற்கிறது
சில செல்லக் கோபங்கள்

கைவிரல் நடுங்க கைக்கோர்த்த

அந்த மழை நாட்களை

மறக்கத் துடித்தும்
ஒவ்வொரு இரவும்

தலையணையை
ஈரமாக்கிச் செல்கிறது

உந்தனின் நினைவலைகள்

வாழவும் விடாமலும்

சாகவும் விடாமலும்
உயிரினுள்ளே களைத்துப் போய்
உதடு கடிக்கின்றன

சில அற்ப காரணங்கள்

கையை மீறிச் சென்ற
கணங்களைப் போலவும்
முகவரியில்லாத தேடலைப் போலவும்
இந்தக் கவிதையும் முற்றுப்பெறவில்லை!!!!

உனக்காய் ஓர் இதயம்

2008-11-15T21:20:00.004+08:00

சந்திப்பின் சந்தர்ப்பம் தேடி
முதல் சம்மதம் தந்தேன்

சம்மதத்தின் முதல் சந்திப்பிலேயே
நீ பிரிவைத் தந்தாய்

பிரிவின் நொடியில்
காதல் மலருமென்று
இதற்கு முன் நம்பவில்லை
பிரிந்த பின்பு புரிந்தும்
ஏனோ காதல் மணக்கவில்லை

சிணுங்கும் அலைபேசியில்
உன் குரல் கேட்க
மனம் தவித்தப் போதும்
தன்மானம் வந்து தடைப்போட்டு
இதயம் கணக்க செய்யும்

தூரங்கள் நமது எதிரியானபோதும்
தூவானமாய் உன் நினைவு
என்னில் சிலிர்த்துச் செல்லும்

உலகில் எங்கு நீ வாழ்ந்த போதும்
உனக்காய் ஓர் இதயம்
துடிப்பதை நீயுணர்ந்தால் போதும்!!!

தவிர்ப்பின் தவிப்பு

2008-11-14T00:11:00.002+08:00

உடைந்து போன
உன் மௌனங்களை
என்னில் தேடி
மாய்ந்து போகிறேன்

செல்லரித்துப் போன
தடயங்களாய்
தொலைந்து மறைகின்றன
உனது வார்த்தைகள்

மறுமொழி கூற
தருணம் தேடி
உன் அன்பை
தொலைத்து விழியிழந்து
தவிக்கிறேன்

விழியில்
உறைந்து உருகும்
பிரியங்களை
அஞ்சல் செய்ய
இதயம் துடித்தும்
தள்ளி நின்று
எச்சரிக்கிறது
உன் சமீப பிரிவு

பிரிவுகளின் முடிவு
புரிதலின் ஆரம்பம்
சபித்துச் செல்லும்
காலம்கூட
என் இருத்தலை
உனக்கு ஏனோ உணர்த்த
மறுக்கின்றன

கண்கள் ஏங்கித்
தவித்தும்கூட
தவிப்பு தவிர்ப்பாய்

போனதேனோ?

துடிக்கின்ற காதலும் தும்மலைப் போன்றது

2008-11-13T21:13:00.005+08:00

நீயென்ன அதிர்ஷ்ட
தேவதையா?
என்னைக் கடக்கும்
ஒவ்வொரு நொடியும்
இதயங்கூட தும்முகிறதே!!!

என்னவளை
காட்டிக் கொடுக்கும்
தும்மல் கூட
காதலின்

பரிபாஷைதான்!!!

உனக்காக இதயம்
துடிப்பதை
நாசியில்
மொழிப்பெயர்க்கிறேன்
தும்மலாய்!

திரெங்கானு மாநிலமும் தமிழர்களும்

2008-11-07T10:22:00.000+08:00

மேலும் தகவலுக்கு கீழே சொடுக்கவும் :-

திரெங்கானு மாநிலமும் தமிழர்களும்

வால் நட்சத்திரம்

2008-10-30T13:30:00.007+08:00

மண்ணில் ஒரு விண்மீன் (Taare Zameen Par) மீண்டும் வால் நட்சத்திரமாய் அவதானித்துள்ளது. டி‌ஸ்லெ‌க்‌சியா குறைபாடு‌ள்ள குழ‌ந்தைக‌ளைப் பற்றிய விழிப்புணர்வற்ற பெற்றோர்களுக்கும் மற்றவர்களுக்கும் விழிப்புணர்வையேற்படுத்தும் வகையில் இப்படம் இந்தியில் தயாரிக்கப்பட்டு தமிழிலும் மொழியாக்கம் செய்யப்பட்டுள்ளது. டி‌ஸ்லெ‌க்‌சியா குறைபாடு‌ கொண்ட குழந்தைகளை ஆசிரியர்கள் மட்டுமே கையாள வேண்டும் என்ற நியதி இங்கு மாறியுள்ளது.

தீபத் திருநாள் நல்வாழ்த்துகள்

2008-10-27T16:15:00.003+08:00

அனைத்து உலக வாழ் நண்பர்களுக்கும் இவ்வினிய நாளில் மனம் நிறைந்த தீப ஒளி வாழ்த்துகளை இதய வழி தெரிவிக்கின்றேன்!!!!

நினைவுத் தெரிந்த நாள் முதலா!!!!

2008-10-20T10:37:00.009+08:00

பல அலுவலுக்கிடையே நசுங்கிவிடாமல் கரைச்சேர்த்துக் கைக்கோர்த்த கரையோர கனவுகளின் நாயகி ஸ்ரீமதிக்கும் கோபிநாத்துக்கும் நன்றி!!!

1. எந்த வயதில் சினிமா பார்க்க ஆரம்பித்தீர்கள்?

வயது நினைவில்லையென்றாலும்..நிச்சயமாய் ஆரம்பப்பள்ளியின் இறுதி ஆண்டாக இருக்க வேண்டும்..அப்போதுதான் சின்னத்தம்பியும், தளபதியும் அறிமுகமானதாக நினைவு...

2. நினைவுத் தெரிந்து கண்ட முதல் சினிமா? என்ன உணர்ந்தீர்கள்?

திரைப்படம் என்றால் என்ன என்று அறிந்துக் கொண்டச் சமயம் அதில் அவ்வளவாக ஈடுபாட்டை ஏற்படுத்தவில்லை.. ஆனாலும் தோழிகளின் கனவுகளில் சஞ்சரித்துக் கொண்டிருந்த ஷாருக்கான் பற்றிய ஆர்வத்தின் பேரால் பார்த்தப் படம் Darr... Tuhe Mere Karan..இன்னமும் கேட்கப் பிடித்தப் பாடல்களில் ஒன்று... இடைநிலைப் பள்ளிக் காலங்களில் அதிகமாய் நான் விரும்பிப் பார்த்தது இந்திப் படங்களே... Saajan...Yes Boss..இன்னும் நிறைய படங்கள்...பெயர்கள் அவ்வளவாக நினைவில்லை. ம்ம்ம் என்ன உணர்ந்தேன்!!! அமிர்கான், சல்மான்கான் மற்றும் ஷாருக்கான்..இவர்களில் ஷாருக்கான் மட்டுமே cute!!! இதுக்காக ஷாருக்கான் என்னுடைய favouriteன்னு நினைக்க வேண்டாம்...

3. கடைசியாக அரங்கில் அமர்ந்து பார்த்த தமிழ் சினிமா?

வேலைக்குப் பாதியிலேயே மட்டம் போட்டுவிட்டு பாசமலரோடு போய் பார்த்தப் படம் முனியாண்டி விலங்கியல் மூன்றாமாண்டு... நம்ம ஊருக்காரவுக தயாரிச்ச படமாச்சேன்னு போய்ப் பார்த்து நொந்து நூடல்ஸாகி வந்தப் படம்... வடிவேலு மட்டுமே ஆறுதல்...ஆனாலும் அவருடைய வசனங்களில் அதிக விரசம்...வள்ளல் ரேனாவின் வாரிசுகள் தயாரிக்கும் படத்தின் தரமா இது???

4. கடைசியாக அரங்கிலன்றிப் பார்த்த தமிழ் சினிமா எது, எங்கே, என்ன உணர்ந்தீர்கள்?

கடைசியாக நான் விமர்சனம் எழுதியிருந்த ராமன் தேடிய சீதை.... இணையத்திலிருந்து பதிவிறக்கம் செய்துப் பார்த்தேன். ம்ம்ம் கொஞ்சம் முன்பாகவே பார்த்திருக்கலாமே என்று வருந்த வைத்தது காரணம்??? மழை நின்றப் பின்பும் தூறலை படிச்சுப் பாருங்க!!!

5. மிகவும் தாக்கிய தமிழ்ச்சினிமா?

தாக்கியதென்று சொல்வதற்கில்லையென்றாலும்...இரசிக்க வைத்த படங்களின் பட்டியல் நீளம் வசந்த மாளிகை, இராஜ ராஜ சோழன், ஆயிரத்தில் ஒருவன், நெஞ்சில் ஓர் ஆலயம், மௌனராகம், பூவே உனக்காக, அமராவதி, அலைபாயுதே, ரிதம், மொழி...இராமன் தேடிய சீதை...மீண்டும் பார்க்க நினைக்கும் பாக்கியராஜின் ருத்ரா, ஆராரோ ஆரிரரோ, முந்தானை முடிச்சு...

அ. உங்களை மிகவும் தாக்கிய தமிழ்ச்சினிமா-அரசியல் சம்பவம்?
இல்லை

ஆ. உங்களை மிகவும் தாக்கிய தமிழ்ச்சினிமா-தொழில்நுட்ப சம்பவம்?

தொழில்நுட்பமென்றவுடன் நினைவுக்கு வருவது முப்பரிமாண (3D)அசைவுகள் மற்றும் விளைவு. முன்பு வெளிவந்த மை டியர் குட்டி சாத்தான் திரைப்படத்தில் இந்த தொழில்நுட்பம் பயன்படுத்தப்பட்டது. மீண்டும் அதே தொழில்நுட்பத்தில் சுல்தான் தி வாரியர் தயாராகி வருவது தமிழ்த்திரையுலகின் ஆரோக்கியமான வளர்ச்சியாய் தோன்றுகிறது. முப்பரிமாண அசைவுகள் (3D Animation) என்றால் கார்டூன்கள் மட்டும்தான் என்றெண்ணிவரும் மக்களுக்கு இது ஒரு மாற்றாக இருக்கும் என்று நம்புகிறேன். 200க்கும் மேற்பட்டவர்களின் உழைப்பில் உருவாகி வரும் இந்தத் திரைப்படம் இவ்வாண்டு இறுதிக்குள் வெளியீடு காணும் என்று பெரிதும் எதிர்பார்க்கப்படுகிறது.

6. தமிழ்ச்சினிமா பற்றி வாசிப்பதுண்டா?

சில சமயங்களில்...நாளிதழ்களிலும்...இணையத்திலும் எப்பொழுதாவது Cinefashion மாதிகை வாசிப்பதுண்டு.

7. தமிழ்ச்சினிமா இசை?

இந்த வரிசையில் மிகவும் பிடித்தக் கேள்வி இது மட்டும்தான். உலகத் தரத்தில் தமிழ்த்திரையுலகம் வளர்ந்திருக்காவிட்டாலும் தமிழ்த்திரையிசைப்பாளர்கள் உலகத் தரத்தை எட்டிவிட்டார்கள் என்பது மறுக்க மறக்க முடியாத உண்மை. இளையராஜா (இவருடைய இசையமைப்பு உலகத் தரத்தையும் எஞ்சியது) எவ்வளவு புதிய பாடல்கள் வெளிவந்தாலும் 80களில் வெளிவந்த இவருடைய பாடல்கள் என்றும் நீங்காத நெஞ்சின் இராகங்கள்தான்... ஏ.ஆர் ரகுமான்... யுவன், ஹாரிஸ் ஜெயராஜ்... வித்யாசகர் இவர்களும் இரசிக்க வைக்கிறார்கள். ஆனாலும் வருந்த வைக்கும் ஒரே விசயம் பாடகர்களின் தேர்வு... வட இந்திய பாடகர்களின் தமிழ்க்கொலை எரிச்சலூட்டுகிறது... அழகான வரிகள்கூட இவர்களின் குரலில் அர்த்தமிழந்துப் போய்விடுகிறது. அதிலும் உதித் நாராயண் பாடவில்லையென்றால் தமிழ்த்திரையிசையே அழிந்துவிடுமா என்ன? இதில் ஸ்ரேயா கோஷல் மட்டுமே விதிவிலக்கு.

8. தமிழ் தவிர வேறு இந்திய, உலக மொழி சினிமா பார்ப்பதுண்டா? அதிகம் தாக்கிய படங்கள்?

முதல் தடவை Kuch Kuch Hota Hai பார்த்துவிட்டு கண் கலங்கியதுண்டு.. எப்போது பார்த்தாலும் என்னுள் சிலிர்ப்பை ஏற்படுத்தும் மற்றொரு திரைப்படம் Kabhi Kushi Kabhi Gham முக்கியமாக ஷாருக்கான், ஜெயா பச்சன் காட்சிகள் மெய் சிலிர்க்க வைக்கும்...Mujhse Dosti Karogi எனக்குப் பிடிக்காத ரித்திக் ரோஷனையும் இரசிக்க வைத்தப் படம். இதில் ரித்திக் அருமையாக நடித்திருப்பார். இந்தி மொழியைத் தவிர்த்து மலையாள மொழி படங்களை அவ்வப்போது வானவில்லில் பார்க்க நேரிடும்...தெலுங்கு மொழியில் நிறைய படங்கள் பார்த்திருந்தாலும் நினைவில் தற்போது ‘ஆடாவரி மாத்தலக்கு அர்த்தலு வேறலு’ உலக மொழித் திரைப்படங்களென்றால் அதிகமாய் பார்ப்பது...பார்த்தது ஆங்கில மொழிப் படங்களே...அதில் அதிகமாய் பாதித்தது Forest Gump (Tom Hanks), Sleepless in seatlle (Tom Hanks)

9. தமிழ்ச்சினிமா உலகுடன் நேரடித்தொடர்பு உண்டா? என்ன செய்தீர்கள்? பிடித்ததா? அதை மீண்டும் செய்வீர்களா? தமிழ்ச்சினிமா மேம்பட அது உதவுமா?

இல்லை

10. தமிழ்ச்சினிமாவின் எதிர்காலம் பற்றி என்ன நினைக்கிறீர்கள்?

75 ஆண்டுகளை கடந்து விட்ட தமிழ்த்திரையுலகம் இனி வரும் காலங்களிலாவது உலகத் தரத்திற்கு ஈடாக படங்களைத் தயாரிக்க வேண்டும். இந்திய திரையுலகமென்றால் அது இந்தித்திரையுலகம்தான் என்ற நிலை மாற வேண்டும். எத்தனைக் காலத்திற்குத்தான் இந்த நாயக வழிபாடு செய்துக் கொண்டிருப்பார்களோ தெரியவில்லை. இது வரைக்கும் பாலபிஷேகம் செய்துக் கொண்டிருக்கும் தொண்டர்கள் இனி வரும் காலங்களில் இதற்கும் சமய சாயம் பூசினாலும் பூசுவார்கள்?? தமிழ்த்திரை நாயகர்கள் ஆளுக்கொரு அரசியல் கட்சி திறந்தாலும் ஆச்சரியப்படுவதற்கில்லை...

11. அடுத்த ஓராண்டு தமிழில் சினிமா கிடையாது, மற்றும் சினிமா பற்றிய சமாச்சாரங்கள், செய்திகள் எதுவுமே பத்திரிகைகள், தொலைக்காட்சி, இணையம் உள்ளிட்ட ஊடகங்களில் கிடையாது என்று வைத்துக்கொள்வோம்? உங்களுக்கு எப்படியிருக்கும்? தமிழர்களுக்கு என்ன ஆகும் என்று நினைக்கிறீர்கள்?

எனக்குள் எந்த மாற்றமும் இருக்காது..... விடுப்பட்டுப்போன பழைய படங்களைத் தேடிப் பிடித்துப் பார்க்கலாம். இன்னும் இருக்கவே இருக்குது இந்தி, ஆங்கில, கொரிய, மலாய் மொழிப்படங்கள். சினிமாத்தான் உலகம் என்ற மாயை மாற இந்த ஒரு வருடம் போதாதே!!!

இந்த தொடர்விளையாட்டை தொடர விரும்பி நான் அழைப்பவர்கள் :
மனோகர் - சூர்ய பார்வை
புனித் - சொல்லத்தான் நினைத்தேன்

இதய வழி வாழ்த்துகிறேன்

2008-10-06T08:30:00.016+08:00

பறக்க முடியா

பாட்டாம்பூச்சியாய் அலைமோதும்

நேசங்களைக் காற்றலையில்

உனக்காய்த் தூதனுப்பினேன்...

கவிதைச் சுமக்கும் மௌனங்கூட

மொழியில்லா சின்னச் சின்ன

மழைத்துளி அர்ச்சனைகள்தான்...

விடிகின்ற உன் எல்லாப்

பொழுதும் சுகங்களை

மட்டும் ஆசிவதிக்கட்டும்...

இன்று துடிகிற இதயமும் கூட

உன்னை மட்டுமே

வாழ்த்திப் பாடட்டும்...

காற்றின் இடைவெளியை

அதிகரித்து வான

எல்லையையும் தாண்டி

இதய வழி வாழ்த்துகிறேன்...

இனிய பிறந்த தின வாழ்த்துகள்!!!!

(இன்று பிறந்தநாள் கொண்டாடும் அம்மாவுக்கும் இராஜேஸ் அக்காவுக்கும் இந்தப் பதிவு சமர்ப்பணம்)

நீயே சொல்லும் வரைக்கும்....

2008-09-30T18:49:00.010+08:00

இப்போதெல்லாம்
நான் அதீத அழகாய்
இருப்பதாய்ச் சொல்கிறார்களே
நீ என்னுள் வந்ததாலா?

காதலித்தால் கையெழுத்து
அழகாகுமாமே
கூப்பிடு அந்தக் கவிஞனை
இங்கு காதலியே
அழகாய்த் தெரிகிறாள்...

அழகு குறிப்புக் கேட்கும்

தோழிக்கு

எப்படிச் சொல்வேன்

என் அழகின் ரகசியம்

எனக்குள் இதயம் தனித்திருக்கே...

2008-09-28T20:28:00.011+08:00

உனைக் காணும் ஆவலின் கைதியாய்
உன் நினைவுச் சிறையில் நான்...
எனை மீட்டுச் செல்வது எப்போது?
நாட்கள் கூடினாலும்,
என் சிறைவாசலின் கதவுகள்
ஏனோ திறக்க மறுக்கின்றன!
சாவியை உன்னிடத்தில்
தொலைத்து விட்டதனாலோ!
உன் நிழல் தீண்டி
நான் விடுதலைப் பெறுவேனோ?
இல்லை உன் நிஜம் சீண்டி
உயிர் விடுவேனோ!
என் முகவரியைத்
தொலைத்து விட்டனவோ
உன் கைகள்...
இல்லை என் முக வரியே
மறந்து விட்டனவோ
உன் நெஞ்சம்...
மறந்துப் போயிருந்தால்
ஒரு தரமேனும் சொல்லிவிடு...
என் முகவுரையை
உனக்காகக் காற்றில்
அஞ்சல் செய்கிறேன்!!!!

மழை நின்ற பின்பும் தூறல் - சில அனுபவங்கள்

2008-09-26T07:39:00.028+08:00

மாயக்கண்ணாடி...பிரிவோம் சந்திப்போம் தோல்விக்குப் பிறகு சேரன் நடிப்பில் அண்மையில் வெளியீடு கண்டிருக்கும் திரைப்படம் 'ராமன் தேடிய சீதை'.

மழை நின்ற பின்பும் விழும் தூறலாய் இப்படம் என்னில் விட்டுச் சென்ற சில தடயங்களைத் தேடி இங்கு வார்த்தைகளால் கோர்க்கிறேன். பல்வேறு செய்திகளைத் தன்னில் சுமந்துக் கொண்டிருப்பது இத்திரைப்படத்தின் நிறையா இல்லை குறையா என்றுத் தெரியவில்லை. இருந்தும் இதன் மெல்லிய சுவடுகளைத் தேடிப் பயணிக்கின்றன என் காலம்...

அரசு பொதுத் தேர்வுகள் மாணவர்களை தங்களின் இலக்குகளை நோக்கி பயணிக்க வைக்கிறதா இல்லை முடமாக்கி விடுகிறதா என்ற கேள்வி இங்கு எழத்தான் செய்கிறது? இதற்குக் காரணம் பெற்றோர்களா இல்லை மற்றவர்களா? இங்கும் ஒரு மாணவன் அரசு பொதுநிலைத் தேர்வில் மாநில அளவில் இரண்டாவதாக வருகின்றான். பாராட்டப்பட வேண்டிய அவன் தன் தாயின் பொறுப்பற்றப் போக்கினால் மன உளைச்சலுக்கு ஆளாகி மனநிலை மருத்துவமனையில் சேர்க்கப்படுகிறான். மனநிலைத் தேறி மற்றவர்களை போல வாழ நினைக்கும் அவனைச் சமூகம் பைத்தியக்காரன் என்று முத்திரையிட்டுச் சிரிக்கிறது.... அதிலிருந்து மீண்டு வரும் அவன் சொந்தத் தொழிலில் ஈடுபட்டு வெற்றியும் காண்கிறான். ஆனால் சிறு வயதில் அவன் வாழ்வில் நடந்தச் சம்பவம் அவனுடைய மணவாழ்க்கைக்கு முட்டுக்கட்டையாகிவிடுகிறது. . . மகிழ்ச்சி நிறைந்த கல்வியை மாணவர்கள் மன உளைச்சலோடு மேற்கொள்வதுதான் நம் கல்வி கொள்கையின் வெற்றியா? மலேசியாவில் அரசு பொதுத்தேர்வு முடிவுகள் வெளிவரும் சமயங்களில் அங்குமிங்குமாய் தற்கொலை சம்பவங்களும் நிகழ்வது வழக்கமான ஒன்றாகிவிட்டது. 12 வயதில் ஒரு மாணவி தற்கொலையை நாடுகிறாள் என்றால் தேர்வு முடிவு அவள் மனதில் எவ்வளவு பெரிய காயத்தை ஏற்படுத்தியிருக்க வேண்டும். எனக்குத் தெரிந்த ஒரு பெண் கால்நடை மருத்துவத்தில் பட்டம் பெற்றவர்.... ஆனால் அவருடன் படித்தவர்கள் அந்தப் பெண்ணை 'பைத்தியம்' என்று கேலி செய்வதுண்டு. இதுப்பற்றி மற்றவர்களை கேட்டப் பொழுது எப்பொழுதும் படிப்பு படிப்பு என்று இருந்ததால் வந்த மன உளைச்சல் என்று கூறினார்கள். நான் கூட அந்தப் பெண்ணிடம் சில சமயங்களில் பேசியிருக்கிறேன்.... அதன் பிறகு அவரைச் சந்திப்பதைப் பல முறை தவிர்த்திருக்கிறேன்.... காரணம் அவர் மனநிலை பாதிக்கப்பட்டவர் என்பதால் அல்ல... அவருடையக் கேள்விக்கு என்னிடம் பதில் இல்லை என்பதால்...

இத்திரைப்படத்தில் என்னைக் கவர்ந்த ஒரே கதாபாத்திரம் பார்வையற்ற வானொலி அறிவிப்பாளராக வரும் பசுபதியை காதலிக்கும் பெண்ணாக வரும் கஜாலா. ஊனம் என்பது உடலுக்கேத் தவிர உணர்வுக்கு அல்ல என்ற நேர்மறை எண்ணங்களை பசுபதியின் கதாபாத்திரத்தின் வழி புகுத்தியிருக்கிறார்கள். ஆனால் பார்வையற்றவராக வரும் பசுபதியின் சண்டைக் காட்சிகளை தவிர்த்து இருக்கலாம். 'ராஜபார்வை' கமலை காப்பியடித்ததுப் போல் உள்ள பசுபதியின் நடிப்புக் கவரவில்லை.

பொதுவாகவே எனக்கு இந்த வானொலி அறிவிப்பாளர்கள் மீது ஓர் ஈர்ப்பு உண்டு. பின்னிரவு நேரங்களில் நமது தனிமையை போக்கும் உற்ற தோழியாய்....தோழனாய் வலம் வரும் இவர்களின் சேவை பாராட்டுதலுக்குரியது. 2002 மலேசிய வானொலியான வானொலி ஆறில் (தற்பொழுது மின்னல்FM) பல புதிய இளம் அறிவிப்பாளர்கள் அறிமுகமான காலக்கட்டம். தகவல் தொழில்நுட்பத் துறையில் நான் கல்வியை மேற்கொண்டிருந்தச் சமயத்தில் பின்னிரவில் வெகுநேரம் கண்விழித்துப் படிக்க வேண்டியச் சூழல். அச்சமயத்தில்தான் அறிமுகமானவர் இராஜேஸ்வரி இராஜமாணிக்கம். கலைத்துறை பட்டதாரியான இவருடைய அறிவிப்பில் எப்பொழுதுமே ஓர் உயிர்ப்பு இருந்துக் கொண்டேயிருக்கும். ஆங்கிலம் கலவாத அழகியத் தமிழில் அற்புதமான அறிவிப்பு.... வணக்கம் மலேசியா... இசைத்தோரணம்...இளமையில் இனிமை...இரவின் மடியில் என்று அவருடைய அறிவிப்பில் வெளிவந்த நிகழ்ச்சிகள் பல... ஆரம்பக் காலக்கட்டங்களில் சாதாரணமாய் கேட்டுக் கொண்டிருந்த நான் பின்னாளில் அதீதமாய் ஈர்க்கப்பட்டு வானொலி என் வாழ்வில் ஒன்றென கலந்து விட்டது. எங்கள் இருவருக்கிடையிலும் மெல்லிய நட்புணர்வு மலர்ந்திருந்தாலும் கிட்டதட்ட 1 வருடத்திற்கும் மேலாகப் பார்க்காமலே தொடர்ந்து வந்த நட்புக்கு முற்றுப்புள்ளி வைக்கும் முயற்சியாய் 01.02.2004 முதன் முதலாக கிள்ளானில் சந்தித்துக் கொண்டோம். அந்த முதன் சந்திப்பில் அவர் தந்த இனிப்பும் பூங்கொத்தும் இன்னமும் நினைவில் இனிக்கிறது. 2006 இல் அவர் மின்னலில் இருந்து தமிழ்ச் செய்திப் பிரிவுக்கு செய்தித் தொகுப்பாளாராக சென்றதில் இருந்து வானொலி கேட்பதையும் விட்டு விட்டேன். தற்சமயம் எப்பொழுதாவது மட்டுமே செய்தி வாசிப்பதால் முன்பு போல் அவர் குரல் கேட்பது அரிதாகிவிட்டது. இன்றைக்கு அவர்தான் காலை செய்தித்தொகுப்பாளராகப் பணியாற்றினார். பள்ளிக்காலங்களில் தமிழின் மீது எனக்கு அவ்வளவாக ஆர்வம் இருந்ததில்லை... நாவல்கள் படிப்பதோடு சரி... அவருடைய நிகழ்ச்சிகளின் வழி தமிழின் மேல் தனியாத தாகம் ஏற்பட்டுவிட்டது. தகவல் தொழில்நுட்பக் கல்வியை பாதியிலேயே விட்டு விட்டுத் தகவல் ஊடகத்தில் பட்டப்படிப்பை முடித்து தற்சமயம் கல்வியமைச்சில் நான் பணியாற்றிக் கொண்டிருப்பதற்கு அவரும் முக்கிய காரணம் என்பது அவர் இன்று வரையிலும் அறியாத உண்மை.

அடுத்து இந்தத் திரையில் வரும் கதாபாத்திரம் விமலா ராமன். தனியார் மருத்துவமனையில் பணியாற்றி வரும் இவரைத்தான் முதன் முதலாக சேரன் பெண் பார்க்கச் செல்கிறார். சேரனின் இள வயதில் ஏற்பட்ட சம்பவத்தைக் கேட்டப் பிறகு அவரை வேண்டாமென்று நிராகரித்து விடுகிறார். வேறு ஒரு பெண்ணை மறுபடியும் பெண் பார்க்கச் செல்லும் சேரன் அந்தப் பெண் வேறு ஒருவரை விரும்புவதை தெரிந்துக் கொண்டு விலகிக் கொள்கிறார். அப்பொழுது அதே ஊரில் இதற்கு முன்பு திருமணம் தனக்கு நிச்சயம் செய்து திருமண நாளான்று காதலனோடு ஓடிவிடும் பெண்ணை மிகவும் ஏழ்மை நிலையில் சேரன் சந்திக்கிறார். கணவன் சிறைக்குச் சென்றுவிட்ட நிலையில் அவள் தனிமையில் போராடுவதைக் கண்டு அவளுக்கு உதவி செய்ய முனைகிறார். தன் மகளின் தவறுக்குப் பிராய்சித்தம் தேட முற்படும் அந்தப் பெண்ணின் தந்தையை மகளோடு இணைக்கும் சேரன் அதே ஊரில் மறுபடியும் விமலா ராமனை சந்திக்கிறார். அவர்களுடைய சந்திப்பு நல்ல நட்பாக மலர்கிறது. முன்பு சேரனை வேண்டாமென்று நிராகரித்தவர் இப்பொழுது அவரை நேசிக்கத் தொடங்கி விடுகிறார். "இதே இடத்துல வச்சுதான் அவர் முகத்தை பார்த்து பிடிக்கலைன்னு சொன்னேன் இப்போ போய் பிடிச்சிருக்குன்னு சொல்றதுக்கு ரொம்ப கஷ்டமா இருக்கு" என்று அவர் தன் தாயிடம் தவிப்புடன் கூறுவது இரசிக்க வைக்கிறது. அதைவிட நெஞ்சில் காதலை சுமந்துக் கொண்டு சேரனுக்காக வேறொரு பெண்ணைப் பார்க்கச் செல்வது... வேண்டாமென்று நிராகரித்த ஒருவரை மீண்டும் நேசிப்பது சாத்தியமா என்ற கேள்வி இங்கு எழலாம்... நல்ல புரிந்துணர்வு இருந்தால் நிச்சயமாக மறுபடியும் நேசிக்க முடியும். நம்மில் நூறில் ஒருவருக்காவது இந்த அனுபவம் நிச்சயம் இருக்கும். ஆனால் நம்மால் நிராகரிக்கப்பட்டவர் அதை ஏற்றுக் கொள்வாரா என்பது?

வழக்கமான அன்றாட நிகழ்வுகளைப் படம் பிடிக்கும் இத்திரைப்படம் வெற்றிப் பெறுமா என்ற கேள்வியை விடுத்து பார்த்தும் வைக்கலாம். ஒரு சில சினிமாத்தனங்களை இந்தப் படத்தில் தவிர்த்திருக்கலாமோ? சேரனை சுற்றியேச் சுழலும் இக்கதையில் சேரன்தான் நடித்திருக்க வேண்டும் என்றில்லாமல் யார் வேண்டுமானாலும் நடித்திருக்கலாம்...ஆனால் அவர் நடித்திருப்பதால் எதிர்ப்பார்ப்பு அதிகம் கூடியிருப்பது மறுக்க முடியாத உண்மை...

மழை நின்ற பின்பும் தூறல் போல உனை மறந்த பின்பும் காதல்

2008-09-25T14:56:00.019+08:00

மழை நின்ற பின்பும் தூறல் போல உனை மறந்த பின்பும் காதல்
அலை கடந்த பின்பும் ஈரம் போல உனை பிரிந்த பின்பும் காதல்
எனக்கும் காதல் பிறந்திருக்கே அதற்கும் பேர் வைக்கட்டுமா
எனக்குள் இதயம் தனித்திருக்கே அதை உன்னுடன் சேர்க்கட்டுமா?

மழை நின்ற பின்பும் தூறல் போல உனை மறந்த பின்பும் காதல்
அலை கடந்த பின்பும் ஈரம் போல உனை பிரிந்த பின்பும் காதல்

நீர்த்துளிகள் நிலம் விழுந்தால் பூக்கள் மெல்ல தலையசைக்கும்
என் மனதில் நீ நுழைந்தால் மௌனம் கூட இசையமைக்கும்
பூங்குயில்கள் மறைந்திருந்தால் கூவும் ஓசை மறைவதில்லை
தாமரையாய் நான் இருந்தும் தாகம் இன்னும் அடங்கவில்லை
பாதம் நிறைந்து நடக்கும் இந்த பயணத்தில் ஏன் இந்த நடுக்கம்?
வானம் திறக்கும் வரைக்கும் இந்த வானவில் உன்னுடன் இருக்கும்
மழைத்துளி பனித்துளி கலந்த பின்னே அது மறுபடி இரண்டென பிரிந்திடுமா?

மழை நின்ற பின்பும் தூறல் போல உனை மறந்த பின்பும் காதல்
அலை கடந்த பின்பும் ஈரம் போல உனை பிரிந்த பின்பும் காதல்

கண்ணிமைகள் கைத்தட்டியே உன்னை மெல்ல அழைக்கிறதே
உன் செவியில் விழவில்லையா உள்ளம் கொஞ்சம் வலிக்கிறதே
உன்னொருத்தி நானிருந்தும் உண்மை சொல்ல துணிவு இல்லை
கைகளிலே விரல் இருந்தும் கைகள் கோர்க்க முடிவதில்லை
உன்னை எனக்குப் பிடிக்கும் அதை சொல்வதில்தானே தயக்கம்
நீயே சொல்லும் வரைக்கும் என் காதலும் காத்துக் கிடக்கும்
தினம் தினம் கனவினில் வந்துவிடு நம் திருமண அழைப்பிதழ் தந்துவிடு

மழை நின்ற பின்பும் தூறல் போல உனை மறந்த பின்பும் காதல்
அலை கடந்த பின்பும் ஈரம் போல உனை பிரிந்த பின்பும் காதல்
எனக்கும் காதல் பிறந்திருக்கே அதற்கும் பேர் வைக்கட்டுமா
எனக்குள் இதயம் தனித்திருக்கே அதை உன்னுடன் சேர்க்கட்டுமா
Listen to Raman Thediya Seethai Audio Songs at MusicMazaa.com

(சில வரிகள் நம்மையறியாமலேயே நம் மனதில் பல மின்னல்களாய் தீண்டிச் செல்வதுண்டு...சில வரிகள் தென்றலாய் தழுவிச் செல்வதும் உண்டு... இன்னும் சில வரிகள் நம் வாழ்வின் பிம்பங்களாய் பிரதிபலிப்பதும் உண்டு... இங்கே இந்த பாடல் மின்னலா? மயிலிறகா? இல்லை தென்றலா? கபிலனின் வரிகளும் கல்யாணியின் குரலும் மனதிற்கு ஒத்தடமாய் அமைவது இப்பாடலின் மிகப் பெரிய சிறப்பு. கல்யாணி இராகத்தில் வயலினும் புல்லாங்குழலும் போட்டி போடுவது இந்த பாடலின் உயிர்ப்பு....)

இது சமாதியல்ல சன்னதி...

2008-09-23T19:02:00.008+08:00

இந்த மாதம் ஆரம்பித்ததில் இருந்து எனக்கு வேலையே ஓட மாட்டேங்குது! என்ன காரணம் என்று ஆய்வு செய்து நேரத்தை வீணடிக்காமல்... கொஞ்சமாய் கனவு காண்கிறேன்... பழைய பாடல்களில் குறிப்பாக கண்ணதாசனின் வரிகளில் எப்போதுமே ஒரு லயிப்பு உண்டு என்றாலும் இந்த படம் அதிகம் என்னை கவர்ந்துவிட்டது என்று சொல்லலாம். ம்ம்ம் முக்கியமாக வாணிஸ்ரீக்காகவே இந்தப் படத்தை பல முறை பார்த்திருக்கிறேன். ரொம்பவும் அழகா இருப்பாங்க.. :-) நான் இரசித்த இப்பாடலை.... காதல் வசனத்தோடு கேட்டு மகிழுங்கள் :-)) நான் பெற்ற இன்பம் பெறுக இந்த ப்ளாக் உலகம்!

மயக்கமென்ன இந்த மௌனமென்ன மணி மாளிகைதான் கண்ணேமயக்கமென்ன இந்த மௌனமென்ன மணி மாளிகைதான் கண்ணே தயக்கமென்ன இந்த சலனமென்ன, அன்பு காணிக்கைதான் கண்ணே

கற்பனையில் வரும் கதைகளிலே நான் கேட்டதுண்டு கண்ணா

என் காதலுக்கே வரும் காணிக்கை என்றே, நினைத்ததில்லை கண்ணா

தேர் போலே ஒரு பொன்னூஞ்சல் - அதில் தேவதை போலே நீயாட

பூவாடை வரும் மேனியிலே உன் புன்னகை இதழ்கள் விளையாட

கார்காலம் என விரிந்த கூந்தல் கன்னத்தின் மீதே கோலமிட

கைவளையும் மைவிழியும் கட்டியணைத்துக் கவி பாட

மயக்கமென்ன இந்த மௌனமென்ன மணி மாளிகைதான் கண்ணே

ஆடி வரும் வண்ண நீரோடை உன்னை பாத பூஜை செய்து வர

ஓடி வரும் வண்ண ஓடையிலே உன் உள்ளமும் சேர்ந்து மிதந்து வர

மல்லிகைக் காற்று மெல்லிடை மீது மந்திரம் போட்டு தாலாட்ட

வள்ளி மலைத் தேன் அள்ளி எழுந்த வண்ண இதழ் உன்னை நீராட்ட

மயக்கமென்ன இந்த மௌனமென்ன மணி மாளிகைதான் கண்ணே

அன்னத்தைத் தொட்ட கைகளினால் மது கிண்ணத்தை இனி நான் தொட மாட்டேன்

கன்னத்தில் இருக்கும் கிண்ணத்தை எடுத்து மது அருந்தாமல் விட மாட்டேன்

உன்னையல்லால் ஒரு பெண்ணை இனி நான் உள்ளத்தினாலும் தொடமாட்டேன்

உன் உள்ளமும் இருப்பது என்னிடமே அதை உயிர் போனாலும் தரமாட்டேன்

மயக்கமென்ன இந்த மௌனமென்ன மணி மாளிகைதான் கண்ணே மயக்கமென்ன இந்த மௌனமென்ன மணி மாளிகைதான் கண்ணே தயக்கமென்ன இந்த சலனமென்ன.... அன்பு காணிக்கைதான் கண்ணே அன்பு காணிக்கைதான் கண்ணே

நான் இங்கு காத்திருக்கிறேன்

2008-09-22T09:35:00.005+08:00

விரதமென்று அழிச்சாட்டியம்
செய்யும் என்னை உன்
விழியாலேயேத் தின்னும்
மாயம் என்னவோ?

**********************

உன் விழியில் விழ
அஞ்சி அண்ணனின்
பின் ஒளிந்ததைக்
கண்டுப்பிடித்து
என் எதிர் அமர்ந்தாயே
எவ்வளவு தைரியமடா உனக்கு?

***********************

தன்னந்தனியாய் உன்னிடம்
மாட்டிக் கொள்ளும்
அவஸ்தைகள்
மீண்டும் வாய்க்குமா?

***********************

கைப்பேசி எண்களின்
பறிமாறலில்
நம் இதயமும்
தடமாறியதை அறிவாயோ?

***********************

அதிகமாய்ப் பேசுவதில்லை
அதீதமாய் நான்
சொன்னப் பொய் இது
மட்டும்தான்டா!

***********************
இதழ்கள் மறுத்தாலும்
இதயம் கட்டிக் கொள்ள
துடிக்கும் அவஸ்தைகள்
போதுமடா!

துடிக்கின்ற இதயத்தின் ஓசைகள் நீயே!

2008-09-21T13:33:00.026+08:00

இந்த துக்கம் எனக்குப் பிடித்தது
காரணம் இது நீ தந்தது!!!

காதல் .... இந்த மூன்றெழுத்தின் மாயம்தான் என்ன? எந்த மொழியானாலும், இனமானாலும் காதல் என்றும் இனிமைதான், அழகானதுதான். காதல் கவிதை போன்றது. எங்கு எப்படி உருவானது என்று தெரியாமலேயே வெளிப்படும் தன்மை இந்த காதலுக்கு மட்டும்தான் உண்டு என்று சொன்னால் மிகையாகாது. மிகவும் இயல்பாக யாருக்கும் தெரியாமல் மலரும் இந்த காதல் கட்டாயத்தால் மலர்வதில்லை. காதலர்கள் மறைந்தாலும் காதல்கள் மரிப்பதில்லை. நூற்றாண்டுகள் தாண்டி வாழும் இந்த காதல் எல்லோருக்கும் வருவதுண்டு. ஆனால் எப்பொழுது யார் மீது காதல் வரும் என்பது மட்டும் சொல்லிவிட முடியவில்லை.

காதல் இதய சத்திரத்தில்
தங்கும் வழிப்போக்கன்

என்று ஒரு கவிஞர் காதலின் சுயரூபத்தை வெளிச்சம் போட்டுக் காட்டுகிறார். காதலை அழகின் தாகம் என்று கூறும் கவிஞர்கள்தான் இங்கு அதிகம். அண்மையில் காதலை பற்றிய அழகிய காதல் கவிதையை படிக்க நேர்ந்தது.

"நானோ அவளுக்கு தினந்தோறும் கடிதம் எழுதுகிறேன்" என்று சாதாரணமாகத்தான் கவிஞர் தொடங்குகிறார். அட இதில் அப்படி என்ன அதிசயமிருக்கப் போகிறது என்று முதலில் நினைக்க தோன்றியது. பூமிக்கு வியர்க்கும் போதெல்லாம் காதல் கடிதங்கள்தான் விசிறிகளாகின்றன... பழனிபாரதி சொன்னது நினைவுக்கு வர அக்கவிதையை மேலே வாசிக்கத் தொடங்கினேன்.

"பேனா இல்லை
காகிதம் இல்லை
மை இல்லை "

இப்படியும் கவிதையெழுத முடியுமா? என்ற ஆராய்ச்சியை என்னுள் ஒளித்துக் கொண்டு மீண்டும் தொடர்ந்தேன்.

"உன் கண்கள் என் கண்கள் இல்லையா?
உன் கண்ணால் கொஞ்சம் தூங்கிக் கொள்கிறேன்."

அட எவ்வளவு அழகாக கவிஞர் கேட்கிறார்.

"கனவுகள் உறங்கும் பூக்கள்" என்று காதலை ஆராதிக்கும் மற்றுமொரு கவிதை

"இரவு அழகானது
நிலவு அழகானது
எல்லாவற்றையும் விட
நீ அழகானவள்
ஆனால் உன்னை விடவும்
அழகானது உன் காதல்"

காதலை ஏற்றுக்கொள்ளும் ஒவ்வொரு பெண்ணும் தேவதையாகிறாள் என்பது கவிஞர்களின் வாதம்.

வானத்திலிருந்துதான் தேவதைகள் வருமாமே...
நீ மட்டும் எப்படி
எதிர்வீட்டிலிருந்து வருகிறாய்...

என்று கேட்கும் தபு சங்கர், மேலும்

தேவதைகளுக்கு சிறகுகள்
இருக்கும் என்று எங்கோ படித்திருக்கிறேன்...
பொய் சொல்வோர் நிறைய இருந்திருக்கிறார்கள் போலும்
நீ இங்கே சிறகில்லாமல் இருப்பதை
யாரும் பார்க்கவில்லையோ என்று காதல் ஆய்வில் இறங்கி விட்டார். கவிஞர்கள் காதல், கண்களை உதடுகளாக்கி பேசும் இதயத்தின் மொழி என்று கூறுகின்றனர்.

ஆனால் வேறொரு கவிஞர் காதலை இப்படி வர்ணிக்கிறார்? இல்லை போர் செய்கிறார்.

நான் தான் ஹிரோஷிமா
அவள்தான் நாகாசாகி
முதல் துளி முத்தத்துளி
மறுதுளி இரத்தத்துளியாக
மூன்றாம் உலகப் போரின்
முதல் பலியாவோம்

சங்க இலக்கியத்தில் காதலும் வீரமும் தமிழர்தம் வாழ்வின் இரு கண்கள் எனக் கருதப்பட்டன. திருக்குறளில் ஒரு காட்சி

கண்ணோடு கண் இணை நோக்கு ஒக்கின்
வாய்ச் சொற்கள் என்ன பயனும் இல

என்று காதலர்களின் சங்கமத்தை விளக்குவார் வள்ளுவர். கண்கள் சந்தித்து சம்மதம் தெரிவித்து சங்கமமாகிவிட்டப்பின் இனி பேச்சு எதற்கு... கண்களின் வார்த்தைகள் காதல் தேசத்தின் மொழி. கண்கள் தன் இதயத்தின் அந்தரங்கத்தை இரகசியமாய் உணர்த்தக் கூடியது. கண்ணுக்கு மை தீட்டாமல் அமர்ந்திருக்கிறாள் தலைவி, காரணம் கேட்கும் தோழியிடம் மையெழுதும்போது இமைகள் மூடி மைத்தீட்ட வேண்டும், அப்போது அவர் மறைந்து போவாரே... அதை என்னால் தாங்க முடியாது என்று மருகுகிறாள் தலைவி. ஆகவே தலைவனைத் தன் உள்ளத்தில் வைத்து மைத் தீட்டாமல் கண்ணுக்குள்ளேயே போற்றுகிறாள்.

இந்த அழகிய நிகழ்வினை கு.மா பாலசுப்ரமணியம் இப்படி கேட்கிறார்,

கண்களின் வார்த்தைகள் புரியாதோ?
காத்திருப்பேன் என்று தெரியாதோ?
ஒரு நாளில் ஆசை எண்ணமே மாறுமோ

காத்திருப்பு காதல் நியமனங்களின் முதன்மையானது. இதயம் பேச மறுக்கும் தருணங்களில் கண்கள் பேசிவிடுகின்றன. சொல்லித் தெரிவதுதான் காதலா? சொல்லாமலே காதல் சொல்வதுதான் காதலின் உன்னதம். தபு சங்கரும் இதைதான் இப்படி பகர்கின்றார்...

நீ இல்லாமலே நான் உன்னை காதலிக்கிறேன்...
இதழ் சொல்லாமலே நான் உன்னை காதலிக்கிறேன்...

காதல் பற்றி பாடுவதில் கவியரசு கண்ணதாசனுக்கு நிகர் அவரேயன்றி வேறொருவரையும் அறிகிலேன் நான். காதலின் எல்லா பரிமாணங்களையும் சொல்லிவிட்டவர் அவர். உலகின் ஏதாவது ஒரு மூலையில் இந்த நிமிடம் வரை அவருடைய காதல் பாடல்கள் ஒலித்துக் கொண்டேதான் இருக்கின்றது.

ஓராயிரம் பார்வையிலே
உன் பார்வையை நான் அறிவேன்
உன் காலடி ஓசையிலே
உன் காதலை நான் அறிவேன்

காதலைப் பற்றி எழுத தோன்றியதும், அறிவுமதியின் இந்த கவிதை என் நினைவில் வட்டமடித்து சிரிக்கிறது.

உன்னுடன் சேர்ந்து
நடக்க ஆரம்பித்தப் பிறகுதான்
சாலை ஓர மரங்களிலிருந்து
உதிரும் பூக்களின் மௌனத்திலும்
இசை கேட்க ஆரம்பித்தேன் நான்....

காமச் சிறகுகள் முளைத்த காதலை காட்டிலும் இதயகுழி வரைச் சென்று மனுஷ வாசனை பூசி மகிழும் நட்பு மேலானவை என்று அறிவுமதியின் 'நட்புக்காலம்' குட்டு வைத்துச் செல்வதை இந்நேரத்தில் தவிர்க்க இயலவில்லை.

காதல்.... தோல்வி... துயரம்...பிரிவு... துரோகம்...வலி... என்று எத்தனை பரிமாணங்கள் எடுத்தால் என்ன... வாழும் காலமுள்ளவரை இந்த காதலும் வாழும்.!!!

பி.கு: இது ஒரு மீள் பதிவு

இனி நானும் நானில்லை

2008-09-19T08:03:00.015+08:00

அதிகாலை உறக்கம்
கலைக்கிறாயே பாவி...
இனிய முத்தத்தில்!
இன்னும் கொஞ்சமாய்
தூங்கி கொள்கிறேனடா!

நீ சண்டையிடுவதை
இரசிக்கவே
என் கைப்பேசி
அடிக்கடி தொலைந்து
போகிறதே!
இது தெரியாது
திட்டித் தீர்க்கிறாயே
செல்லம்?

தூரங்கள் நம்மை
பிரித்தால் என்ன?
மூன்றாம் கையாய்
இந்த கைப்பேசி
ஆறாம் விரலாய்
உன் குறுஞ்செய்தி!

எத்தனை தடவையடா
உன்னிடம் கெஞ்சுவது
அம்மா பக்கத்தில்
இருக்கும்போது
முத்தம் கேட்காதே என்று
உன் மரமண்டைக்கு எப்போதுதான்
உறைக்குமோ?

கைவிரல் ரேகை
தேய்ந்துவிடப் போகிறது
என்று கேலி செய்யும்
தோழிக்கு எங்கே தெரியப் போகிறது
நம் நேசம்?

என் கைப்பேசியும்
வெட்கிக் கொள்கிறதே
நீ முத்தம் கேட்கும்
தருணங்களில்...

கோபமென்றால் திட்டிவிடுடி
குறுஞ்செய்தி அனுப்பாமல்
இருக்காதே என்று
ஓயாமல் செல்லம் கொஞ்சும்
உன்னை என்னடா செய்வது?

தோற்றுக் கொண்டே....

2008-09-17T08:23:00.002+08:00

அசாத்தியங்களைக் கொன்ற
கொடிய மனம் இது
காதல் விதைக்கிறாயே...
முற்றுப்பெற்ற மௌனங்களில்
கட்டுடைந்து வாழும்
கல்லறை பூ இவள்
பட்டாம்பூச்சியாய்
இறகு விறிக்கிறாயே...
வாசல் இல்லா இதயம் இது
வாழ கேட்கிறாயே?

தோற்றுப் போகிறேன்....

2008-09-16T13:32:00.004+08:00

கல்லாய்தான் இருந்தேன்
உளியாய் வந்து
என் உயிர் செதுக்கி வலி செய்தாய்!
-0-
மழையாய்தான் விழுந்தேன்
காற்றாய் வந்து
முகில் கலைத்து வெயில் தந்தாய்!
-0-
ஒளியாய் ஒளிர்ந்தேன்
இரவாய் வந்து
உறக்கம் கிழித்து
உயிர் கொய்தாய்..!

உடைபடும் கண்ணீர்...

2008-09-15T14:13:00.009+08:00

சிறையெடுப்பாய் என்று

இதயம் சேகரித்தேன்

சிறகுகள் முறித்து

விடைபெற்றாய்

கண்ணீர் கோடுகளாய்...!

காதல் கேட்கிறேன்...

2008-09-10T14:52:00.010+08:00

நீ வீசும் புன்னகையில்

வீழ்ந்தவள் இன்று

கண்ணீரில் கரைகிறாள்

நாணத்தைத் தூதுவிட்டவள்

இதயத்தையும் தொலைத்ததேன்

உன் நினைவில் உருகிய

விடியாத இரவுகள்

விரக்தியின் இலக்கானதேனோ

உன் மௌனங்களே

என் விரத சாபமாய்

உன் பேச்சுக்களே

என் மௌன தாபமாய்

நீ என்பது நீயில்லாமல்

நான் ஆகும் நாளைத்

தேடி கவிதையில்

தடம் பதிக்கிறேன்

தடயங்கள் காயும் முன்னே

உன் மூச்சுக்காற்றால் என் நுரையீரல்

தீண்டிச் செல்.... :-(