Friday, May 16, 2008

கைக்கெட்டும் தூரத்தில் உன் கவிதை



கைக்கெட்டும் தூரத்தில் உன் கவிதை இருக்கிறதே
நீ வாசிக்க வழியில்லையா?
சுவாசிக்கும் தூரத்தில் உன் சுவாசம் இருக்கிறதே
நீ சுவாசிக்க முடியலையா?

நான் ஒரு அனாதை என்றான் ஒருவன்
நானும்தான் அனாதை என்றது நிலா
இருவரின் புலம்பலைக் கேட்டு சுடச் சுடச் சிரித்த சூரியன்
நானும்தான் அனாதை என்றான்
மூவரும் அனாதை என்று முடிவெடுத்தப்போது
எனக்கும் ஓர் இடம் உண்டா என்றார் கடவுள்
அம்மா அப்பா இல்லாத அனாதைதான் நானும்
ஆனால் அழுததில்லை ஒரு நாளும்
அம்மை அப்பன் கொண்டது மனித ஜாதி
அனாதைகள் எல்லாம் கடவுள் ஜாதி
அடுத்த மனிதன் இருக்கும் வரையில்
யாரும் இங்கே அனாதையில்லை
கடவுளின் கருத்துக்குக் கைத் தட்டினர் மூவர்
நிலா சிரித்தது பனித்துளியாய்
சூரியன் சிரித்தான் சுடரொளியாய்
அனாதை சிரித்தான் அலை அலையாய்



சென்னையைச் சேர்ந்த சத்யமூர்த்தியையும் குற்றாலத்தைச் சேர்ந்த செண்பகவள்ளியையும் இந்த கவிதைதான் இணைக்கிறது. குங்குமம் இதழ் போட்டிக்காக அனாதை என்ற பெயரில் இருவரும் ஒரே மாதிரி எழுதிகிறார்கள். ஆனால் சத்யமூர்த்தி கவிதையை சரியான நேரத்தில் அனுப்பாததால் செண்பகவள்ளியின் கவிதை மட்டும் குங்குமம் இதழில் பிரசூரமாகிறது. தன் கவிதையை போல் அக்கவிதையும் ஒத்திருக்க அந்தக் கவிதையை எழுதிய செண்பகவள்ளிக்கு கடிதம் எழுதுகிறான் சத்யமூர்த்தி. ஆரம்பத்தில் நட்பில் தொடங்கும் அந்தக் கடிதங்களே பின்னாளில் அவர்களின் காதலுக்கும் விசிறிகளாகின்றன. இதுவரை கண்ணும் கண்ணும் காணாத காதலியைத் தேடி குற்றாலம் செல்கிறான் சத்யமூர்த்தி. அங்கே தன்னுடைய நண்பனின் வீட்டில் தங்கும்போது நண்பனுடைய தங்கைகளை தன் தங்கைகளாக எண்ணிப் பழகுகிறான். இங்கேத்தான் விதி வில்லனாய் சதி செய்கிறது. ஒரு விபத்தில் அந்த நண்பன் இறந்துவிட அவன் வீட்டின் குடும்பப் பொறுப்பை மகனாகவும் அண்ணனாகவும் ஏற்க வேண்டிய சூழ்நிலை. சத்யமூர்த்தியின் காதல் விவகாரம் இறந்த நண்பனுக்கு மட்டுமே தெரியும். இந்நிலையில் கல்லூரியில் இந்தியா முழுவதும் சுற்றுலாச் சென்றுத் திரும்பும் நண்பனின் கடைசித் தங்கை தன் அண்ணனுடைய திடீர் மறைவுக்கு சத்யமூர்த்திதான் காரணமென்று அவனிடம் வெறுப்பை உமிழ்கிறாள். நண்பனின் தந்தைக்குக் கொடுத்த வாக்கு அவனை அவ்வீட்டை வெளியேற முடியாமல் கட்டிப்போடுகிறது. இந்நிலையில் அவன் காதலி யாரென்று விதி வில்லனாய் காட்டிக்கொடுத்து எள்ளி நகையாடுகிறது. செண்பகவல்லி என்ற புனைப் பெயரில் கவிதை எழுதியது ஆனந்திதான் என்று அவளின் கல்லூரி ஆண்டு விழாவில் அறிகிறான் சத்யமூர்த்தி. சந்தர்ப்பச் சூழ்நிலைகளால் அவனுடைய காதலியின் குடும்பத்திற்கே அண்ணனாகியதை எண்ணித் தவிக்கிறான். இத்தனை நாள் யாரை தன் அண்ணனின் மறைவுக்குக் காரணம் என்றெண்ணி ஆனந்தி வெறுத்து வந்தாளோ அவன்தான் அவளுடைய காதலன் என்று தோழியின் மூலம் அறிகிறாள். காதலனே தன் வீட்டில் அண்ணனாகிப் போனதை நினைத்து மறுகுகிறாள். கடைசி வரைக்கும் தன் காதலுக்காக சத்யமூர்த்தியிடம் போராடுகிறாள் ஆனந்தி.


எப்பொழுதுமே சுபமான முடிவையே எதிர்பார்க்கும் நமக்கு இவர்களின் முடிவு வேதனையைக் கொடுத்தாலும், படம் முடிந்தும் அவர்களின் காதல் நெஞ்சில் நிற்கிறது. நடக்கூடிய கதை என்று படம் ஆரம்பத்திலேயே சொல்லியிருந்தாலும் இதுப்போல் நடக்காமல் இருக்கவே மனம் ஏங்குகிறது.

கவிப்பேரரசின் கவிதையும் பாடல்களும் குற்றாலத்தின் அழகும்தான் இப்படத்தின் உயிர்நாடியாய் விளங்குகின்றன. நான் பதினெட்டு வயது பட்டாம் பூச்சி, அன்பே அன்பேதான் வாழ்க்கையே பாடலில் வரும் பால் கொண்ட காப்பியிலே இப்போது பாசத்தை கலந்தது யார் வரிகள் என்னை மிகவும் கவர்ந்திருந்தாலும் இப்படத்தின் எல்லாப் பாடல்களுமே தீனாவின் இசையில் பரவாயில்லை ரகம். கேள்விக்குறியாய் இருந்த காதல் ஆச்சரியகுறியாய் ஆனதடா குட்டிப்பாடல்கூட கேட்பதற்கு பரவாவில்லையாய் இருக்கிறது. வைரமுத்துவின் அழகான கவிதையை தீனா வீண் செய்துவிட்டாரோ என்று தோன்றும் அளவிற்கு அவருடைய இசை உள்ளது. ஆனந்தி @ செண்பகவள்ளியாக அறிமுகமாகும் உதயதாரா அந்த கதாபாத்திரமாய் வாழ்ந்திருக்கிறார். அடிக்கடி கோபிகாவை நினைவுபடுத்தும் முக சாயல். குடும்ப பாங்கான கதாநாயக பாத்திரமென்றால் பிரசன்னா என்று துணிந்து சொல்லும் அளவிற்கு அவருடைய அமைதியான நடிப்பு உள்ளது. வடிவேலுவின் நகைச்சுவை கவர்ந்தாலும் ஏனோ இந்தக் கதையோடு கொஞ்சமும் ஒட்டாததைப் போல் தோன்றுகிறது. ஆனாலும் அவசியம் அனைவரும் காண வேண்டிய திரைப்படம். அழகான இந்த கவிதையை இவ்வளவு தாமதமாய் வாசித்து விட்டோமே என்ற வருத்தம் எனக்கு....

10 comments:

கோபிநாத் said...

ம்ம்ம்....நல்ல படம்...நானும் பார்த்துட்டேன் ;)

\ நடக்கூடிய கதை என்று படம் ஆரம்பத்திலேயே சொல்லியிருந்தாலும் இதுப்போல் நடக்காமல் இருக்கவே மனம் ஏங்குகிறது.\\

இதுக்கு ஒரு ரீப்பிட்டே ;)

Divya said...

அருமையான விமர்சனம்:)))

சதீசு குமார் said...

Vanakkam Punitha, we hv started a new google group of 'Malaysian Tamil Bloggers'. Plz join by clicking this link :- http://groups.google.com/group/MalaysianTamilBloggers?hl=en

இனியவள் புனிதா said...

//கோபிநாத் said...
ம்ம்ம்....நல்ல படம்...நானும் பார்த்துட்டேன் ;)

\ நடக்கூடிய கதை என்று படம் ஆரம்பத்திலேயே சொல்லியிருந்தாலும் இதுப்போல் நடக்காமல் இருக்கவே மனம் ஏங்குகிறது.\\

இதுக்கு ஒரு ரீப்பிட்டே ;)//

Thanks Gopinath

இனியவள் புனிதா said...

//Divya said...
அருமையான விமர்சனம்:)))//

Thanks Divya..I like ur stories...keep it up

இனியவள் புனிதா said...

//சதீசு குமார் said...
Vanakkam Punitha, we hv started a new google group of 'Malaysian Tamil Bloggers'. Plz join by clicking this link :- http://groups.google.com/group/MalaysianTamilBloggers?hl=en//

I'll try...thanks for the information

ஜி said...

//நடக்கூடிய கதை என்று படம் ஆரம்பத்திலேயே சொல்லியிருந்தாலும் இதுப்போல் நடக்காமல் இருக்கவே மனம் ஏங்குகிறது.//

unmai...

Paathi padathulaiye climaxa sollittu kadaisi varaikkum iluthathuthaan konjam kadiyaayidichu :))

Nice review :))

ஜி said...

//நடக்கூடிய கதை என்று படம் ஆரம்பத்திலேயே சொல்லியிருந்தாலும் இதுப்போல் நடக்காமல் இருக்கவே மனம் ஏங்குகிறது.//

unmai...

Paathi padathulaiye climaxa sollittu kadaisi varaikkum iluthathuthaan konjam kadiyaayidichu :))

Nice review :))

இனியவள் புனிதா said...

//ஜி said...
//நடக்கூடிய கதை என்று படம் ஆரம்பத்திலேயே சொல்லியிருந்தாலும் இதுப்போல் நடக்காமல் இருக்கவே மனம் ஏங்குகிறது.//

unmai...

Paathi padathulaiye climaxa sollittu kadaisi varaikkum iluthathuthaan konjam kadiyaayidichu :))

Nice review :))//

Thanks for the comments.. :)

வண்ணத்துபூச்சியார் said...

பார்க்க வேண்டிய படம்..

விமர்சனம் அருமை..